DEEWANA OONT

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 20

DEEWANA OONT➡

Bani Nazzar ke ek baag mein ek deewana oont ghus aaya , jo shaksh bhi us baag mein jaata wo oont usey kaatne daudta tha , log bade pareshaan the. Huzoor salallaho alaihi wasallam ki khidmat mein haazir huye aur saara kissa arz kiya , Huzoor ne farmaya : chalo! main chalta hoon , chunanche aap us baag mein tashreef le gaye aur us oont se farmaya : idhar aao! us oont ne jab Rasoolullah salallaho alaihi wasallam ka huqm suna to daudta hua haazir hua , apna sar Huzoor ke qadmon mein daal diya , Huzoor ne farmaya : iski nakeel laao , nakeel laayi gayi , Huzoor ne nakeel daalkar uske maalik ke hawale kar diya , wo aaram se chala gaya , Huzoor ne phir sahaba se farmaya : kaafiron ke siwa mujhe zameen o aasmaan waale sab jaante hain ki main Allah tabarak wa ta aala ka Rasool hoon.

(Hujjatullahu alal aalameen safaa 458)

Sabaq : Hamare aaqa Huzoor salallaho alaihi wasallam ka huqm jaanwaron par bhi jaari hai , aur qaaynaat ki har shey bajuz kaafiron ke hamare Huzoor ki risalat o sadaqat ko jaanti hai.

⚔⚔SHAMSHEER E AALAHAZRAT⚔⚔