DOODH PEETE BACCHE KA AELAAN E HAQ

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 28

DOODH PEETE BACCHE KA AELAAN E HAQ➡

Huzoor Sarkar e Do Aalam salallaho alaihi wasallam ek martaba sahaba e qiraam alaihimur rizwaan ke darmiyaan tashreef farma the ki ek mushriqa aurat , jiski god mein do maah ka doodh peeta baccha tha , us taraf se guzri , us bacche ne Huzoor ki taraf nazar ki to ek dum zabaan se pukar utha : As salaam o aleyka Ya Rasoolallah wa Ya Akram Khalqillah!
Maa ne jab dekha ki mera do maah ka baccha kalaam karne laga to wo hairaan reh gayi aur boli : beta! ye kalaam karna tujhe kisne sikha diya ? ye Allah ke Rasool hain , ye tujhe kisne bata diya ? baccha ab apni maa se mukhatib hokar kehne laga ki ae maa! ye kalaam karna mujhe usi Allah ne sikhaya hai jisne sab insaano ko ye taqat di hai aur ye dekh mere sar par Jibraeel e Ameen alaihis salaam khade hain jo mujhe bata rahe hain ki ye Allah ke Rasool hain , maa ne ye aejaaz dekha to jhat kalimaa padhkar musalmaan ho gayi. Maulana Rumi alaihir rehma Masnawi Sharif mein farmate hain ki phir Huzoor ne us bacche ko mukhatib hokar daryaft farmaya ki tumhara naam kya hai ? to wo bola :
Ya Rasoolallah salallaho alaihi wasallam is musht e khaaq maa ke nazdeek to mera naam abd e izza hai lekin Allah tabarak wa ta aala ke nazdeek mera naam Abdul Aziz hai.

(Nuzhat Ul Majalis jild 2 safaa 78)

Sabaq : Ek do maah ka baccha to Huzoor salallaho alaihi wasallam ko jaan aur maan le aur apni maa ko bhi jannat mein le jaaye magar agsos in umr raseeda badbakhton par jinhone Huzoor ko na jaana , na maana aur apni jahalat wa gustakhiyon se khud bhi doobe aur dusron ko bhi le doobe.

⚔⚔SHAMSHEER E AALAHAZRAT⚔⚔