SHAHI ISTIQBAAL

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 33

SHAHI ISTIQBAAL➡

Huzoor salallaho alaihi wasallam ke zaahiri  wisaal sharif ke waqt Hazrat Jibraeel e Ameen alaihis salaam haazir huye aur arz karne lage : Ya Rasoolallah salallaho alaihi wasallam aaj aasmano par Huzoor ke istiqbaal ki tayyariyan ho rahi hain , Allah tabarak wa ta aala ne jahannam ke daroga Hazrat Maalik ko huqm diya hai ki Maalik mere habeeb ki rooh e muttahra aasmano par tashreef la rahi hai , is aejaaz mein dozakh ki aag bujha do aur hooran e jannat se farmaya hai ki tum sab apni aarastgi karo aur sab farishton ko huqm diya hai ki taazeem e rooh e Mustafa ke liye sab saf ba saf khade ho jaao aur mujhe huqm farmaya hai ki main janaab ki khidmat mein haazir hokar aapko basharat doon ki tamam Ambiya e qiraam alaihis salaat o wat tasleem aur unki ummato par jannat haraam hai jab tak ki aapki ummat jannat mein daakhil na ho jaaye , kal qayamat ko Allah tabarak wa ta aala aapki ummat par aapke tufail is bakshish wa magfirat ki baarish farmayega ki aap raazi ho jaayenge.

(Madarijun Nubuwwa jild 2 safaa 254)

Sabaq : Hamare aaqa Huzoor salallaho alaihi wasallam ka aejaaz o iqraam dono aalam mein hai , jinn o bashar , hoor o malaq sabhi Huzoor ke khuddam wa lashkari hain , aap dono aalam ke baadshah hain.

⚔⚔SHAMSHEER E AALAHAZRAT⚔⚔