Khuda ki har aeb se paaki

Part 4
Aqeeda-khuda ke liye aeb aur naqsh muhal hai
Jaise jhuth jahal bhul julm behayai wagairah
Tamam buraiyan khuda ke liye muhal hai
Aur jo yah mane ke khuda jhuth bol sakta hai lekin bolta nahi to goya woh yeh manta hai ki khuda aebi to hai lekin apna aeb chhupaye rahta hai
Fir ek par hi kya khatm sab buraiyon ka yehi hal ho jayega ke usme hai to lekin karta nahi
Jaise julm chori fana tawalud aur tanasul wagairah uyoube kasira
Khuda ke liye nakhsh aur aeb ko mumkin janna khuda ko aebi manna hai
Balki khuda hi la inkar karna hai
Allah aise gande aqeede se har aadmi ko bachaye rakhe

Taqdir- Allah ta'ala ke me jo kuchh tha aalam me hone wala tha aur jo kuchh bande karne wale the uslo Allah ta'ala ne pahle hi se jan kar likh liya
Kisi ki kismat me bhalai likhi aur kisi ki kismat me burai likhi
Is likh dene ne bande ko majbur nahi kar diya ki jo Allah ne likh diya hai woh bande ko majburan karna padta hai
Balki banda jaisa karne wala tha waisa hi usne likh diya
Kisi admi ki kismat me burai likhi to isliye ke yeh aadmi burai karne wala tha
Agar bhalai karne wala hota to uski kismat me bhalai hi likhta
Allah ke ilm ne ya Allah ke likh dene ne kisi ko majbur nahi kar diya

Masla-taqdir ke masle me gour aur bahes mana hai
Bas itna samjh lena chahiye ki aadmi patthar ki tarah majbur nahi hai ki uska irada kuchh ho hi nahi
Balki Allah ta'ala ne aadmi ko ek tarah ka ikhteyar diya hai
Ki ek kam chahe kare chahe na kare
Isi ikhteyar par neki badi ki nisbat bande ki taraf hai
apne apko bilkul majbur ya bilkul mukhtar samjhna dono gumrahi hai

Bure kaam ki nisbat kiski taraf ki jaye

Masla - bura kaam karke yeh na kahna chahiye ke be adbi hai ke lhuda ne chaha to hua
Taqdir me tha kiya
Balki huqm yeh hai ki achhe kaam ko kahe khuda ki taraf se aur bure kaam ko apne nafs ki shararat shamat jane

Qanoon e shariyat page 11

Allah ta'ala ka ilm aur irada

Post 3

Aqeeda - koi chij Allah ta'ala ke ilm ke bagar nahi
Mouzud ho ya madum 
Mumkin ho ya muhal
Kulli ho ya juzwi (bhag)
Sabko azal me janta tha aur janta hai
Aur abad tak janega
Chije badalti hai lekin uska ilm nahi badalta

Dilon ke khatron aur waswason ki usko khabar hai uske ilm ki koi inteha nahi

Aqeeda- Allah ta'ala ki mashiyat aur irada bagair kuchh nahi ho sakta
Magar achhe par khush hota hai aur bure par naraz

Allah ta'ala ki kudrat

Aqeeda - Allah ta'alah har mumkin par qadir hai
Koi mumkin uski kudrat se bahar nahi aur muhal tahte kudrat nahi
Muhal par kudrat manna uluhiyat ka inkar karna hai

Aqeeda- khair aur shar kufr aur imaan ta'at aur isyan Allah hi ki taqdir aur takhlik se hai

Aqeeda- haqiqatan rozi pahochane wahi hai farishte wagairah waseela aur wasta hai

Allah ta'ala par kuchh wajib nahi

Aqeeda- Allah ta'ala ke zimme
Kuchh wajib nahi na sahab dena na azab karna na woh karna jo jo bande ke haq me mufid hi isliye ki woh maalik alal itlaq hai jo chahe kare jo chahe hukm de
Sawab de to fazl azab kare to adal
Haan uski ye meharbani ki wahi huqm deta hai jo banda kar sake
Zarur musalmano ko apne fazl se jannat dega aur kafiro ko apne adal se jahannat me dalega isliye ki usne wada farma liya hai ki kufr ke siwa jis gunah ko chahega muaf kar dega aur uske wade waid badalte nahi
Isliye azab aur sahab zarur hoga

Allah ta'ala ka istigana

Aqeeda-Allah ta'ala aalam se beparwah hai usko koi nafa nuksan nahi pahocha sakta
Woh jo kuchh karta hai usme uska apna koi faida ya garz nahi
Dunya ko paida karne me na koi uska faida
aur na paida karne me koi nuksan

Allah ta'ala ne aalam ko kyu paida kiya?

Apna fazl aur adal kudrat aur kamaal zahir karne ke liye makhluq ko paida kiya

Aqeeda- Allah ta'ala ke har kam me bahut hikmaten hain
Hamari samjh me aaye ya na aaye
yah uski hikmat hai dunya me
Ek chij ko dusre chij ka sabab thaheraya
Aag ko garmi pahochane ka sabab paani ko sardi pahochane ka sabab banaya
Aankh ko dekhne ke liye kaan ko sunne ke liye banaya agar wah chahe to aag sardi  paani garmi de aur aankh sune kaan dekhe

Qanoon e shariyat page 9 aur10 aur 11

Khuda ta'ala ki tanzih

Khuda ta'ala ki tanzih

Post 2

Aqeeda- Allah ta'ala jism aur jismaniyat se paak hai
Yaani woh na jism hai na usme woh baate paai jati hain jo Jism se talluk balki yeh uske haqq me muhal hai

Lihaza woh zaman aur makan taraf aur jehat shakl aur surat
Wajan aur mikdar zyada aur nuqsan (yani kami aur beshi) hulul (sama jana) ya awatrit hona aur ittehad (yani do chijon ek ho jana ) tawalud tanasul  harkat aur intekal tagayyur tabddul wagairah tamam ausaph aur ahawale jism se munzzan aur bari hai

Aur quran aur hadees me jo baaz aise alfaz aaye hain maslan (yad) hanth wajAhihi (chahera) rujal (pair) zehak (hansna) wagairah jinka zahir jismiyat par dalalat karta hai

Uske zahiri mayene lena gumrahi aur badmazahabi hai

Is kism ke alfaz me tawil ki jati hai kyu ki iska zahir murad nahi ku uske haqq me muhal hai
Maslan yad ki tawil qudrat se aur wajahihi ki zaat sd istewa ki galba aur tawjjoh se ki jati hai

Lekin bahter aur Asalam yeh hai ki bila zarurat tawil bhi na ki jaye balke haqw hone ka yakin rakhe aur murad ko Allah ke supurd kare
Ki wahi jane apni murad

Hamara to Allah aur rasool ke qoul par imaan hai ki istEwa haq hai yad haq hai aur istewa makhluq sa istewa nahi uska yad makhluq sa yad nahi

Uska kalam dekhna sunna makhluq sa nahi

Aqeeda- Allah ta'ala ki zaat aur sifaat na makhluq hai na maqdur

Kya chijen hadees hai aur qadeem

Aqeeda- zaat aur sifaat e ilaahi ke alawa jitni chijen hai sab hadees hai yani pahle na thi fir moujud hui

Aqeeda-sifaat e ilaahiya ko makhluq kahna ya hadees batana gumrahi aur bad deeni hai

Aqeeda- jo shakhs Allah ta'ala ki zaat aur sifaat ke alawa kisi aur chij ko qadeem mane ya aalam ke hadees hone me shak kare woh kafir hai

Aqeeda- jis tarah Allah ta'ala aalam aur aalam ki har chij ka khaliq hai usi tarah hamare aamal aur af'aal ka bhi wahi khaliq hai

ALLAH TA'ALA KI KHALQIYAT AUR WAJUD AUR WAJUD KE MAYNE

Allah ta'ala wajubul wajud hai yani uska wajud Zaruri hai
Aur adam mural hai (namumkin)

Qanoon e shariyat page 8 aur 9

Allah ta'ala ke zaat aur sifaat ke aqeede

Bismillahir rahmanir raheem

Post 1

Allah ta'ala ki zaat aur sifaat ke aqeede

Aqeeda_ Allah ek (1) hai

Paak bemisl beaib hai

Har kamal aur khubi ka zame hai

Koi kisi baat me na uska sharik na barabar na usse badhke

Woh apni tamam sifaate kamaaliya
Ke saath hamesha se hai
Aur hamesha rahega
Hameshgi sirf usi ki zaat aur sifaat ke liye hai

Uske siwa jo kuchh hai pahle na tha
Jab usne paida kiya tak hua

Wo apne ap hai

Usko kisi ne paida nahi kiya na woh kisi ka baap na kisi ka beta na uske koi biwi na rishtedar 
Sabse beneyaz hai

Woh kisi baat me kisi ka mohtaj nahi aur sabse uske mohtaj

Rozi dena marna jeelana usi ke ikhtwyar me hai
Woh sabka maalik jo chahe kare

Uske huqm me koi dam nahi mar sakta

Be uske chahe zarra nahi hil sakta

Woh har khuli chhupi honi anhoni ko janta hai koi chij uske ilm ke bahar nahi
Dunya jahan saare alam ki har chij usi ki paida ki hui hai

Sab uske bande hain
Woh apne bando par maan baap se jyada maherbaan rahem karne wala gunah baqshne wala touba kubul farmane wala hai

Uski pakad nihayet sakht jisse be uske chhudaye koi chhut nahi sakta

Izzat zillat usi ke ikhteyar me hai
Jise chahe izzat de jise chahe zalil kare

Maal aur aulad usi ke kabze me hai
Jise chahe ameer kare jise chahe fakir

Hidayat aur gumrahi kiski taraf se hai

Hidayat aur gumrahi
usi (Allah) ke taraf se hai

Jise chahe imaan nasib ho
Jise chahe kufr me mubtala ho

Woh jo karta hai hiqmat hai insaaf hai musalmano ko jannat aur ata farmayega kafiro par dozakh me azab karega

Uska har kaam hiqmat hai bande ki samjh me aaye ya na aaye

Uski nematen uske ahsan be inteha hain
Wohi is layek hai ki uski ibadat ki jaye
Uske siwa dusra koi ibadat ke layek nahi

Qanoon e shariyat page 8