Last post...

Mere is blog par maine jitne post likhe.. ya Social network ke dusre kisi Site par...

likhne me galti ho gayi ho to Touba karta hun...
Ya jinke post maine copy kiye Aur usme koi galti rahi ho Aur mere zahen me na Aayi ho.. usse bhi Touba karta hun...

Aur Agar Aise kisi Alim ka main post Dala hun jo pahle Haq pe tha Aur baad me badal gaye ya unki Koi taqreer. To Main us Alim ko Alim tabhi Samjhta Rahunga jab tak wo haq pe the uske baad wahi mangunga jo Shariyat ka huqm ho unpe.

Ya Aisa ho ke wo pahle se hi Maslak e Alahazrat ke khilaaf Raha ho Aur mujhe iska ilm na raha ho to usse bhi Touba karta hun.

Astaghfirullah Rabbi min kulli jambiyun wa Atubu ilayih

Lai laha illallahu muhammadur RasoolAllah (sallallahu Alaihi wasallam)

Ya ilaahi Rahem farma mustafa ke Waste ya RasoolAllah karam kije khuda ke Waste.. (sallallahu alaihi wasallam)

Ek Aur baat Agar mere is site par ya dusre kisi social media site per Agar maine kisi Alim ko Huzoor hazrat wagairah Alqab likhe ho Aur baad me wo Alim gumrah ho gaya maazAllah ya bhatak gaya.. to jo Alqab maine likhe the wo tab tak ke liye hi the jab tak wo haq pe tha.. ab nahi usko ab koi huzzat na banaye.. jaise Azhari miyan ko Huzoor Tajushshariyah wagairah Alqab maine likhe hain pahle lekin ab wo khud hi badal gaye Bahut saare nikalata me jaisa ki log ab jante hain.. 

To ab usko koi huzzat na banaye ya Aisa kisi dusre ke baare me bhi na kare..

Ab rahi baat ki jab Aisi baat hai to un sab Alimo ka post ya bayan wagairah main Hataya kyu nahi. 

To iski ye Wajah ke ye site bahut mushkil se banaya hun..

Aur sab hatane me usse bhi zyadah dikkat hogi.. 

Aur phir ye bhi hai Aage chal ke na Jaane kon kon badal jaaye to kitno ki hataya jaaye..

Isliye Aisi baato ko huzzat na banaye..

Aur Agar jaane Anjane me maine kisi Sachche pakke sunni ka dil dukhaya ho to unse muafi chahta hoon..

Ya Allah saare sachche pakke sunni bhaiyon Aur baheno ko baqsh de..
Sab ko imaan par rakh imaan par Khatma bil khair farma..
Sab ke dilo me tere Aur tere pyare habib alaihissalam Aur mahboobeen ki Muhabbat naqsh farma de.

Aur tere Aur tere pyare habib Alaihissalam aur mahboobeen ke Dushmano se Dushmani Rakhne ki Toufiq Ata farma de...
Sab ko maslak e Alahazrat par Qayam Rakh..

Nafs ke Hamlo se bacha...

Ulma e haq ko salamat rakh..

Ameen summa Aameen..

( Fakeer Mohammad Sirajuddeen Siraj Razvi)