HAZRAT E UMME FATIMA RADIALLAHO TA AALA ANHA

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 39

HAZRAT E UMME FATIMA RADIALLAHO TA AALA ANHA➡

Skandriya ki ek khatoon Hazrat e Umme Fatima radiallaho ta aala anha Madina Munnawara mein haazir huyi to uska pair zakhmi ho gaya , hatta ki wo chalne se reh gayin , log Makka Moazzama jaane lage magar wo wahin reh gayin , ek din wo kisi tarah roza e anwar par haazir huyi , roza e anwar ka tawaaf karne lagi , tawaaf karti jaati aur kehti jaati , Ya Habibi Ya Rasoolallah salallaho alaihi wasallam log chale gaye aur main reh gayi , Huzoor ! ya to mujhe bhi wapas bhejiye ya phir apne pass bula lijiye , ye keh rahi thi ki teen arbi naujawan masjid mein daakhil huye aur kehne lage ki kaun Makka Moazzama jaana chahta hai , Hazrat e Umme Fatima ne jaldi se  kaha : main jaana chahti hoon , un mein se ek bola : to uthiye , Hazrat e Umme Fatima ne kaha : main uth nahi sakti , usne kaha : apna pair failaiye , to Hazrat e Umme Fatima ne apna suja hua pair failaya , unka jab suja hua pair dekha to teeno bole : haan yahi hain wo , phir teeno aage bade aur Hazrat e Umme Fatima ko uthakar sawari par baitha diya aur Makka Moazzama pahuncha diya , daryaaft karne par un mein se ek naujawan ne bataya ki mujhe Huzoor salallaho alaihi wasallam ne khwab mein huqm farmaya tha ki us aurat ko makka pahuncha do , Hazrat e Umme Fatima kehti hain ki main bade aaram se Makka pahunchi.

(Shawahid Ul Haq safaa 164)

Sabaq : Hamare aaqa Huzoor salallaho alaihi wasallam aaj bhi har fariyadi ki fariyad sunte hain , har mushkil hal farma dete hain , basharte ki fariyadi dil aur sacchi aqeedat se Ya Habibi Ya Rasoolallah kehne ka bhi aadi ho.

⚔⚔SHAMSHEER E AALAHAZRAT⚔⚔