QABR E ANWAR SE AAWAZ

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 35

QABR E ANWAR SE AAWAZ➡

Hazrat e Ali radiallaho ta aala anho farmate hain : jab hum Huzoor salallaho alaihi wasallam ke dafn e mubaraq se faarig huye to teen roz ke baad ek aarabi qabr e anwar par haazir hua aur qabr e anwar ke saamne girkar qabr e anwar ki khaak apne sar par daalne laga aur phir kehne laga : Ya Rasoolallah salallaho alaihi wasallam jo kuch aapne farmaya humne suna aur aapki zabaani humne Quran Sharif ki ye aayat bhi suni , (tarjama) ' jo log apni jaano par zulm kar baithen wo aapke pass haazir ho' pas ae Allah ke Rasool ! main apni jaan par zulm kar baitha hoon aur ab gunaahon ki maafi ke liye aapke pass aa pahuncha hoon.
Aarabi ne ye kaha to qabr e anwar se aawaz aayi ' jaao ! Allah ne tumhein baksh diya '.

(Hujjatullah alal aalameen safaa 777)

Sabaq : Hamare aaqa Huzoor salallaho alaihi wasallam ka darbar e rehmat , aapke zaahiri wisaal sharif ke baad bhi badastoor laga hua hai , Huzoor apne zaahiri wisaal sharif ke baad bhi gunahgaaron ke liye zariya e najaat aur mamba e fuyooz o barkaat hain , aaj bhi hum Huzoor salallaho alaihi wasallam ke badastoor mohtaaj hain.

⚔⚔SHAMSHEER E AALAHAZRAT...