Kaafir Ko Kaafir Kehna – Imaan Ki Pehchan Ya Nafrat Ka Paighaam?
Aaj ka Sawaal:
"Kaafir ko kaafir kehna chahiye ya nahi? Kya pata uska anjaam imaan par ho?"
To phir kya hume Musalmaan ko bhi Musalmaan kehna band kar dena chahiye? Kya pata uska anjaam kufr par ho!
Yaad rakhiye:
Hum anjaam ka nahi, zahiri haal ka hukum lagate hain — aur yeh hukum Qur’an o Hadees se seekhte hain.
Qur’an Se Daleel:
1. Surah Baqarah – 6:
“Jin logon par kufr likh diya gaya hai, unko darao ya na darao, woh imaan nahi laayenge.”
2. Surah Kaafiroon – 1:
“Tum keh do: Aey kaafiro!”
(Allah ne khud kaafir ko kaafir kehne ka hukum diya.)
3. Surah Maida – 51:
“Yahood o Nasara ko dost na banao...”
(Yahan Allah ne unki pehchan ‘kaafir’ ke taur par ki.)
4. Surah Maida – 44:
“Jo log Allah ke hukum ke mutabiq faisla nahi karte, woh kaafir hain.”
5. Surah Tauba – 32:
“Kaafir Allah ke noor ko bujhana chahte hain, lekin Allah apna noor pura kar ke rahega.”
6. Surah Mominoon – 117:
“Kaafir ke liye najat nahi.”
Hadees Se Daleel:
1. Kanzul Ummal:
“Fasiq ki burai bayan karo taake log bachen.”
2. Muslim Shareef:
“Gumrah logon se door raho, kahin woh tumhe gumrah na kar dein.”
3. Musnad Ahmad:
“Jo kaafiron se muhabbat kare, woh unhi mein se hai.”
4. Sharahus Sudoor:
_“Sahaba ki tauheen karne walon
5. Bukhari Shareef:
“Ilm chhupane wale par Allah, farishton aur logon ki laanat.”
6. Muslim Shareef:
“Burai ko haath se roko, warna zaban se, warna dil se — aur yeh imaan ka sabse kamzor darja hai.”
____________________________________________
Imaan Ki Buniyaad: Haq aur Batil Mein Tafreeq
Qur’an ne har shakhs ko uske haal ke mutabiq naam diya:
Kaafir ko kaafir,
Munaafiq ko munaafiq,
Aur imaan walon ko imaan wala kaha.
To hum kyu sharmaayein?
Haq ko haq kehna aur batil ka inkaar karna Imaan ka taqaza hai.
____________________________________
Nateeja:
Kaafir ko kaafir kehna nafrat nahi, haq ki pehchan hai.
Musalmaan ke liye zaroori hai ke woh haq o batil mein farq kare.
Jise hum “kaafir” kehte hain, woh Qur’an o Hadees ki roshni mein kufr ka zahir hai — anjaam ka ilm Allah ko hai, lekin hukm zahiri haal par hota hai.
Aakhir mein:
“Haq ko haq aur batil ko batil kehna aur maanna – yahi asal imaan hai.”
