Sadqa e fitr

Mas'ala

Sadqa e fitr har musalmaan aazad malik e nisab par (jiska nisab haajat e asliya ke alawa ho) uspar wajib hai. Sadqa e fitr ke liye aqil (aqal wala) baligh aur maal ka naami hona shart nahee, aur maal par ek saal guzarna bhi zaroori nahee.

# Durr e Mukhtar, Jild 3, Safah 362.

 ⏩ Mas'ala

Sadqa e fitr waajib hai, iska waqt umr bhar hai. agar pehle nahee diya tha to ab de. Na dene se uska huqm saqit nahee hoga. Aur takheer se dega to qaza bhi nahee kehlayega, magar sunnat ye hai ki Namaze Eid se pehle ada kare.

# Bahar-e-Shariat, Jild 5, Safah 935.

RAMAZAN KA ROZA
BINA WAJAH MAT TORO
ISKA ANJAAM JAANKE
KOI ROZA MAT CHORO

Zakaat ka bayaan 4

Sawal: Kya Mushtahiq e zakaat  ko cheque dene se uski zakaat adaa ho jayegi ya jab cheque ko cash kara kar mushtahiq us rakam par kabza Le le tab adaa hogi?

Jawaab: Cheque ke ta'alluk se tamaam tehqiqat ke baad ye baat wazeh hui ke cheque sirf sanad-e-zar aur certificate hai. Uski haisiyat currency note jaisi nahee hai dono mein kayi tarah ka fark hai

Lihaza cheque ka huqm currency note jaisa nahee hoga, jab tak wo bank se wasool na kare adaa na hui. Cheque sirf huqm naama hai kabza nahee.

huzoor SadrushShariáh Alaihir Rahma farmate hai "kisi par rupiye aate hai faqeer se keh diya us se wasool kar le aur niyyat zakaat ki kiya to uske kabza lene ke baad adaa hui.

~ Bahare shari'at Vol.5 page 24

isi tarah cheque ke liye bhi yahi huqm hoga ke maal par kabza ke baad zakaat adaa hogi.

➡ Tandrust ko zakaat de sakte hai agarche kamaane par kudrat rakhta ho magar us se sawaal karna jaiz nahee.

➡ Moti hira wagaira jawahar jiske paas ho aur tijarat ke liye na ho to uski zakaat waajib nahee magar jab nisaab ki qimat ke ho to zakaat le nahee sakta.

➡ Maa sayyedda ho aur baap Sayyed na ho to Sayyed nahee is liye ki sharah mein nisaab baap se hai lihaza aise shakhs ko zakaat de sakte hai jabki na dene ki koi wajah na ho.

#Qanoon e Shariat Page no. 238

Zakaat wagaira sadkaat mein afzal hai yeh ki pehle apne bhaiyo ko de fir unki aulaad ko fir chacha aur fufiyon ko fir unki aulaad fir mamu aur khaala ko fir unki aulaad ko fir apne gaon ya shaher walon ko.

Hadees mein hai ki
Allah Ta'ala uss shakhs ke sadke ko kabul nahi farmata jiske rishtedaar uske sulook karne ke mohtaaj ho aur yeh gairo ko de.

#Badmazhab ko zakaat dena jaiz nahi aur isi tarah unn murtadeen ko bhi dene se adaa na hogi jo zabaan se toh islam ka daawa karte hai lekin khuda ﷻ wa Rasool ﷺ ki shaan ghatate ya kisi aur zaruri deeni baat ka inkaar karte hai.

~ Qanoon e Shariat Page no 238/239

Zakaat ka bayaan 3

Moti aur jawahar par zakaat waajib nahee agarche hazaaro ke ho, Haan agar tijarat ki niyat se liye to zakaat waajib ho gayi.

Jo shakhs nisaab ka malik hai agar darmiyan saal mein kuch aur maal barha to iss naye maal ka saal alag nahee baki, pehle maal ka khatam saal iske liye bhi khatme saal hai, agarche saal pura hone se ek hi minute pehle hasil hua ho.

Saal bhar tak khairaat karta raha iske baad niyyat ki
Ke jo kuch diya hai woh zakaat hai toh iss tarah zakaat adaa nahee huwi.

#Qanoon e Shariat Page No. 223

Zakaat ka rupya murda ki tajhij wa tadfeen ya masjid ki taamir mein nahee laga sakta isliye ki isme fakeer ko maalik kar dena nahi paya gaya.

Agar inn cheezo mein kharch karna chahe toh iska tarika yeh hai ki fakeer ko malik karde yeh fakeer kharch kare sawaab dono ko hoga

Hadees Mein Aaya Hai Agar 100 Haato Mein Paisa Guzra To Sabko Waisa Hi Sawaab Milega Jaise Dene Wale Ko Aur Iske Ajr Mai Koi Kami Na Hogi

#Ek hazaar ka maalik hai aur do hazaar ki zakaat di aur niyat yeh ki saal tamaam tak agar ek hazaar aur ho gaye to yeh uski hai warna aainda saal mai mahsoob hogi toh yeh jaiz hai.

# Qanoon e Shariat Page no:223-224

Zakaat kin logo ko di jaye

#Zakaat se masarif 7 hai
1⃣Fakeer
2⃣Miskeen
3⃣Aamil
4⃣Raqib
5⃣Gaarim
6⃣Fee sabilillah
7⃣ibnuss sabeel

# Fakeer woh aadmi hai jiske paas kuch ho, magar na itna ke nisaab ko pohuch jaaye ya nisaab ke barabar ho toh iski ijazat haajat asliya mein mustagrak ho.

# Miskeen woh hai jiske paas kuch na ho yaha tak ki khaane aur badan chupaane ke liye iska mohtaaj hai logo se sawaal kare.

#Qanoon e Shariat Page No:235

Zakaat kin logo ko di jaye

# Aamil woh hai jise badshaah e islam ne zakaat wa ushr wasool karne ke liye mukarar kiya ho usse kaam ke lihaaz se itna diya jaye ki usko aur uske madadgaaro ko mutvissat taur par kafi ho magar itna na diya jaaye ki jo wasool kar laaya hai uske aadhe se jyada ho jaye.

# Rakaab se muraad mukatab gulam ko dena ki iss maal e zakaat se badle kitaabat dekar apni gardan chudaye.

#Gaarim se muraad madyun hai yaani uss par itna dein (karz) ho ki usse nikaalne ke baad nisaab baki na rahe.

# Qanoon e Shariat Page no:235

Zakaat ka bayaan 2

Zakaat waajib hone ke liye chand sharte.
1⃣ Musalmaan hona
2⃣ Baligh hona
3⃣ Aaqil hona
4⃣ Aazad hona
5⃣ Malike nisaab hona
6⃣ Poore taur par malik hona
7⃣ Nisaab ka dein se farig hona
8⃣ Nisaab ka haajat-e-asliya se farig hona
9⃣ Maal ka naami hona
�� Saal guzarna.

Kaafir par Zakaat waajib nahee agar koi Kaafir musalmaan huwa to usse yeh huqm na diya jayega ke ki kufr ke zamane ki Zakaat adaa karein.

# Na baligh par Zakaat waajib nahee.

# Poore taur par maal ka malik ho yaani uss par kabza ho toh Zakaat waajib hai warna Nahee.

# Qanoon E Shariat Page No 221.

Maznoon (pagal) par zakaat waajib Nahee jab tak junoon (pagalpan) poore saal ko gher le aur agar saal ke awwal ya akhir mein accha ho jaata hai chahe beech saal mein na accha ho toh zakaat waajib aur junoon agar asli ho yaani junoon hi ki aalam mein baloog huwa to uska saal hosh aane se shuru hoga.

Yaani agar junoon aarzi hai magar poore saal gher liya to tab ifaaka hoga uss waqt se saal ki ibteda hogi.

Nisaab ke kaam mein zakaat waajib Nahee yaani jitne maal mein Shari'at ne zakaat muqarar ki hai is se kam maal ka malik hai toh zakaat waajib nahee.

# Qanoon e Shari'at Page No 221

Jo Maal Ghum Gaya Ya Pani Mein Gir Gaya Ya Kisi Ne Gasb Kar Liya Aur Uske Paas Gasb Ke Gawah Nahee Ya Jungle Mai Dafan Kar Diya Tha Aur Yeh Yaad Na Raha Ki Kaha Dafan Kiya Tha Ya Anjaan Ke Paas Amanat Rakhi Thi Aur Yeh Yaad Na Raha Ki Woh Kaun Hai Ya Madyun Ne Dene Se Inkaar Kar Diya Aur Uske Paas Gawah Nahee Phir Yeh Maal Mil Gaya Toh Jab Tak Na Mila Tha Uss Zamana Ki Zakat Waajib Nahee.

Agar Dain Aise Par Hai Jo Dain Ka Ikraar Karta Hai Magar Adaa Mein Deir Karta Hai Ya Nadaar Hai Ya qaazi Ke Yaha Iske Muflis Hone Ka Huqm Ho Chuka Hai Ya Woh Munkir Hai Magar Uske Paas Gawah Maujood Hai Toh Jab Maal Milega Guzre Huwe Saalo Ki Bhi Zakaat Waajib Hai.

#Qanoon E Shariat Page No :220-221

Lihaza hame Zakaat Ke Masaeel Ko bariki Se Samajna Chahiye Aur Kisi tarah Ki koi kami na ho isska Ahtiyaat rakhna chahiye

Koi shakhs Nisaab ka malik hai magar uss par itna dein (karz) hai ki dein adaa karne ke baad nisaab nahee rehti toh zakaat waajib nahee chahe dein banda ka ho Jaise karz, zare saman kisi chiz ka Tawana. Chahe khuda ka (Jaise zakaat khairaat).

Maslan koi shakhs sirf ek nisaab ka malik hai aur 2(do) saal guzar gaye ki zakat nahee di to sirf pehle saal ka zakaat waajib hai dusre saal ki nahee iss liye ki pehle saal ki zakaat toh uss par dein hai iske nikaalne ke baad nisaab baki nahi rehti lehaza dusre saal zakaat waajib nahee huwi.

Jo maal haajat e asliya ke alawa ho usme zakaat waajib hai jab ki woh nisaab ke barabar ho.

#Qanoon e Shariat Page No. 222

Zakaat ka bayaan 1

بسم الله الرحمن الرحيم

Assalatu Wassalamu Alayka Ya RasoolAllah ﷺ

Zakaat ka Bayan

Allah ﷻ  farmata hai falah paate woh hai jo zakaat ada karte hai. Aur farmata hai jo kuch tum kharch karoge Allah Ta'ala uski jagah aur dega aur Allah ﷻ behtar rozi dene wala hai.

aur farmata hai jo log bukhl karte hai uske saath jo Allah ﷻ ne apne fazal se diya hai woh yeh gumaan na kare ki yeh unke liye acha hai balki yeh unke liye bura hai.

# Masla :- Zakat farz hai iska munkir kaafir, na dene wala fasik, aur qatl ka mustahik, aur adaa karne mai der karne wala gunahgaar aur mardud us shahadat.

# Qanoon e Shariat
Page no- 220

Us chiz ka (Jiss maal ki zakaat na adaa ki gayi) qayamat ke din unke gale mai tauk daala jayega jinke saath bukhl kiya aur farmata hai jo log sona chaandi jama karte hai aur use Allah ﷻ ki raah mein kharch nahee karte unhe dardnaak azaab ki khushkhabari suna do...

... jis din jahannam ki aag mein tapaye jayenge aur inse unki peshaaniyan aur karwate aur peeth daagi jayengi aur unse kaha jayega yeh woh hai jo tumne apne nafs ke liye jama kiya tha to ab chakho jo jama karte the.

Masla :- Zakaat shariat mein isko kehte hai ki Allah ke liye maal ke ek hisse ka jo Shari'at ne muqarrar kiya hai uska musalmaan, faqeer ko malik bana de.

# Qanoon e Shariat Page no- 220

Mubah Kar Dene Se Zakaat Ada Na Hogi Maslan Fakeer Ko Zakat Ki Niyyat Se Khaana Khila Diya To Zakaat  Na Hogi Isliye Ki Yeh Malik Kar Dena Na Huwa Haa Agar Khaana De De Ki Chahe Khaaye Ya Le Jaaye To Ada Ho Gayi Yuh Hi Zakaat Ki Niyyat Se Kapda De Diya To Adaa Ho Gayi.

➡Malik Karne Mein Bhi Yeh Zaruri Hai Ki Aise Ko Zakaat Do Jo Kabza Karna Jaanta Ho Yani Aisa Na Ho Jo Fek De Ya Dhoka Khaaye Nahi To Adaa Na Hogi Jaise Chote Bacche Ya Pagal Ko Zakat Dene Se Adaa Na Hogi Jis Bacche Ko Itni Akl Na Ho Toh Uski Taraf Se Uska Baap Jo Fakeer Ho Woh Kabza Kare Ya Uss Bacche Ka Wasi Ya Woh Jiski Nigraani Mein Hai Woh Kabza Kare.

# Qanoon E Shariat Page no- 220-221

Zakat aur sadqa e fitr

Zakat aur sadqa e fitr

Masayele Zakat O Sadqate Fitr Ka Mufassal Bayan Shuru Se....

Allah Rabbul izzat Quran E Majeed Burhane Rasheed Me irshad Farmata hai.
                      "QURAN"                           
Neki iska Naam nahi Ki Tum Apna Muh Mashriq Ya Magrib Ki Taraf Karo, neki To uski Hai Jo Allah Aur Pichle Din (Qayamt) Aur Malayekah (farishton) Aur Kitab (jo asman se utri) Aur Ambiya (hzt adam se huzoor Tak) Par iman Laya.. aur Maal Ki Mohabbat Par Rishtedaron Aur Yatimon Aur Miskino Aur Musafir Aur Saaileen Aur Gardan Chhudane Me Diya... Aur Namaz Qayam Kee Aur Zakat Dee, aur Nek Wo Log Hain Jab Koi Moahedah Kare To Apne Ahed (wade) Ko Pura Kare, aur Takleef Aur Musibat Ke WAQT Sabr Karne Wale, wo Log Sachche Aur Wahi Log Muttaqi Hain.
{Tarjama Kanzul iman sharif, Para-2, Sure Baqrah ayat-177}

                    "QURAN"                      
Jo Log Sona & Chandi Jama Karte Hain Unhe Dardnak Azab Ki Khushkhabri Suna Do, jis Din Jahannam Ki Aag Me Wo Tapaye Jayenge, aur unse Unki Peshaniyan Aur Karwaten Aur Peethe Dagi Jayengi Ye Woh Hai Jo Tum Ne Apne Nafs Ke Liye Jama Kiya Tha, To Ab Chakho Jo jama Karte The,
{PARA-10, SURE TAUBAH AYAT-35}

Apne Malo Ki Zakat Na Dene Walo Par Kis Tarah Ka Azab Hoga Huzoor Nabiye Akram صلى الله تعالى عليه وسلم Ka Irshad Suniye...

✒HADEES:
Jo Sone & Chandi Ka Malik Ho Aur uska HAQ Ada Na Kare To Jab Qayamat Ka Din Hoga uske liye Aag Ke pattar Banaye Jayenge...
Unpar Jahnnam Ki Aag Bhadkai Jayegi, aur unse uski karwat aur peshani aur peeth dagi jayengi, jab thande Hone Par Ayge Phir Waisa hi Kiya Jayega... Ye mamla us Din Ka Hai Jiske Eik Din Ki MIQDAR 50000 Saal Hai (Qayamat Ka Din) aur Oontun Ke Bare Me Farmaya Jayega jo uska HAQ Ada nahi Karta Qaymat Ke Din Use Eik Khule Maidan Me Litaya Jayega Aur Wo Oont mote Mote Hoke Aayge Aur use Pairon Se Kuchlege aur Danton Se Katege, jab Oonton Ki Jamat Khatm Hogi To Phir Gaye (cow) & Bakriyan aayengi aur Apne Seengon Se Maregi Aur Khuron Se Rondegi
{صحيح البخاري، كتاب الزكاة، باب زكاة البقر، جلد-1، صفحہ-492، الحديث 1460}

✒Hadees:
Huzoor Akram صلى الله تعالى عليه وسلم Farmate Hain, Jo Qaum Zakat Ada Nahi Karti Wo Qahet Me Mubtela Hogi (tarah tarah ki bimariyan aasmani Afaten Khuskh saali wo deegar masayeb)
المعجم الأوسط، جلد-3، صفحہ-276، الحديث-4577.

✒Hadees:
Hazrat Umar Farooq Se Riwayat Hai Huzoore Pak  صلى الله تعالى عليه وسلم Ka Irshade Aali Hai,
Jo Maal Kushki (zameen pe) aur Tari (Pani Me) Talf (barbad) Hota Hai Wo Zakat Na Dene Se Talf Hota Hai.
الترغيب والترهيب، كتاب الصدقات، الترهيب من منع الزكاة، جلد-1، صفحہ-308، الحديث-16.

Zakat Na Dene Ke Azabat Aur Zillaten Huzoor Nabiye Akram Noore Mujassam Fakhre Adam O Bani Adam صلى الله تعالى عليه وسلم Ke Irshadaat Ki Roshni Me.....

✒Hadees:
Faqeer Hargiz Nange Bhooke Hone Ki Takleef Na Othayege Magar Maal Daron Ke Hathon,
To Aye Maldaro Sun Lo, Allah Tum Se Sakht Hisab Lega Aur Dardnak Azab Dega
الترغيب والترهيب، كتاب الصدقات، جلد-2، صفحہ-275، رقم الحدیث-5.

✒Hadees:
Dozakh Me Sab Se Pehle 3 Shakhs Jayenge Unme Ka Eik wo Maaldar Jisne Apne Maal Me Se Allah Ka HAQ Ada Nahi Kiya
صحیح ابن خزيمة، كتاب الزكاة، باب ذكر إدخال مانع الزكاة النار.....إلخ، جلد-4، صفحہ-8، الرقم الحديث-2249.

✒Hadees:
Sahi Sanad Se Ye Hadees Hazrat Abdullah Bin Masood رضی اللہ تعالٰی عنہ Se Marwi Hai Farmate Hain, hame Hukm hua Namaz Padhe Zakat Den, jisne Zakat Na Dee uski Namaz Qubool Nahi
المعجم الكبير، جلد-10، صفحہ-103، الرقم الحديث-10095.

✒Hadees:
Hazrat Abu Hurairah رضی اللہ تعالٰی عنہ Se Riwayat Hai Eik Martaba Huzoor  صلى الله تعالى عليه وسلم Ne Khutba Padha Aur Farmaya......
Qasam Hai Uski (Allah Ki) jiske Hath Me Meri Jaan Hai, isko 3 Baar Farma Kar Sar Ko Jhuka Liya, To Hum Sab Ne Sar Jhuka Ke Rona Shuru kiya, hame Ye Nahi Maloom Huzoor Ne Qasam Kyu Khai, Phir Huzoor Ne Apna Sare Mubarak Uthaya To Chehre Par Khushi Ke Aasar jhalak Rahe The, To Hame Ye Baat Laal Oont Se Ziyadah Pyari Maloom Hui, Aap صلى الله تعالى عليه وسلم Ne Farmaya, Jo Bandah 5 WAQT Ki Namaz Padhta Hai, Ramzan Ka Rozah Rakhta Hai & Zakat Deta Hai, Aur 7 Bade Gunaho Se Bachta Hai Uske Liye Jannat Ke Darwaze Khol Diye Jate Hain Aur Hukm Hota Hai Salamti ke Saath Dakhil Ho Ja
سنن النسائي، كتاب الزكاة، باب وجوب الزكاة، صفحہ-399، الرقم الحديث-2435

✒Hadees:
Hazrat ALQUMA Kehte Hain Huzoor Ne Farmaya....
Tumhare islam Ka Pura Hona Ye Hai ki Apne Malon Ki Zakat Do
مجمع الزوائد،  كتاب الزكاة، باب فرض الزكاة،  جلد-3، صفحہ-198، الرقم الحديث-4326.

✒Hadees:
Hazrat Abdullah ibne Umar رضی اللہ تعالٰی عنہ Se Riwayat Hai Farmaya Allah Ke Rasool صلى الله تعالى عليه وسلم Ne.....
Jo Allah O Rasool Pe imam Laya, Wo Apne Maal Ki Zakat Ada kare, Jo Allah O Rasool Pe iman Laya Wo HAQ Bole Ya Chup Rahe Lekin Buri Baat (Gali/Galoch/jhagda) Zaban Se Na Nikale, Jo Allah O Rasool Pe iman Laya Wo apne Mehman Ki Izzat Kare
المعجم الكبير، جلد-12، صفحہ-324، الرقم الحديث-13561.

In Tamam Muqadsas irshadat Ko Padhne Ke Bad Bhi Koi Kam Naseeb Zakat Ki Ahmiyat Ko Na Samjhe Aur Apne Maal Ko Burai Se Azab Se Pak Na Kare To Us Badbakht Ka Kya ilaj ?
Kis Qadar Afsos Ka MAQAM Hai Ki Is pak Mahine Me Kitne Musalman Aise Hain jinke Ghar Chulha Nahi jalta Aur Koi To Wo Hai Jiske Pas Rakhne Ki Jagah Nahi Magar use YE TAUFEEQ Nahi ki un Garibon Nadaron Mufliso Ki Khabar Le.....
Aaj Arab Mamalik Me Daulat Ki Rel Pel Hain Aur Barre Sageer Me Lakhon Musalman Bhukmari Ke Shikar Hain imaan O islam Ke Baland O Bala Naare Lagane Wale Kabhi inki Bhi Khabar Le.....
Hum musalman Hain Hamara Har Farz Se Bada farz Allah O Rasool Ke faraman Ke Aage Sar Kham Krna Hai Hame musfliso Nadaron Garib Yateem Bewa Bekas Lachar Musalmano Ki Khabar Leni chahiye Insha'Allah ispe Amal hua To Amaan hi Amaan Qayam Hoga

✒Hadees:
2 Aurten Huzoor Ki Khidmat aqdas me Hazir Hui, Unke Haton Me Sone Ke Kangan The.. huzoor Ne irshad Farmaya Kya Tum inki Zakat Ada Karti Ho ?
Arz ki Nahi,
Aapne Farmaya Kya Tum Pasand Karti Ho Ki Allah Tume Aag Ke Kangan Pehnaye ?
Arz Ki Nahi....
Farmaya To Zakat Ada karo
{جامع الترمذي، أبواب الزكاة، باب ما جاء في زكاةالحلی، جلد-2، صفحہ-132. الرقم الحديث-637}

Tareef:
Allah Tala Ne Maldar Musalmano Ke Maal Me Se Eik Hissa Aapne Liye Muqarrar Farmaya Us Hisse Ka Musalman Faqeer Ko Malik Banana zakat Kehlata Hai,
Magar wo FAQEER Na Hashmi Ho Na Uska Azad Kiya Hua Gulam, aur Maale Zakat Me Se Apna Nafa Bilkul juda Kar Le,

✏Mas'ala:
Zakat Farz Hai Uska inkar Karne Wala Kafir, Aur Na Dene Wala Fasiq Aur Qatl Ka Mustahiq, Aur Dene Me Der Karne Wala Gunehgar, Aur Mardudushsha'hadah Hai (yani agar wo kisi mamle me Gawahi De To uski Gawahi Nahi Mani Jayegi)
{الفتاوى الهندية، كتاب الزكاة، الباب الأول، جلد-1، صفحہ-170}6

Zakat Me Malik Banana Zaroori Hai, sirf Mubah Karne Se Zakat Ada Nahi Hogi, Masalan Faqeer Ko Zakat Ki Niyyat Se Khana Khilaya To Zakat Ada Na Hui ki Malik Kar Dena Nahi Paya Gaya, Haan Agar Khana Diya Chahe To Khaye Ya Le Jaye To Ada Ho Gai, isi Tarah Zakat ki Niyyat Se Kapda Diya Ya Pehnaya, To Ada ho gai
{بهار شریعت، حصه-5، صفحہ-874}

✏Mas'ala:
Zakat Wajib Hone Ki Kuch Sharten Hain,
Musalman Hona.
AAQIL (AQL WALA) HONA.
BALIG HONA.
AZAD HONA.
MAAL KA NISAB KO PAHOCHNA AUR WO USKE MILK (QABZE) ME HONA.
Nisab Ka Den (Qarz) Se farig Hona.
Nisab Ka Hajate Asliya Se Farig Hona.
HAOLANE HAOL (Maal Pe Eik Saal Guzarna)
{Kutbe fiqah}

✏Mas'ala:
Jo Maal Girwi Rakha gaya Uski Zakat Na Rakhne Wale Par Na Jiske Pas Rakha Uspe Na utne Zamane Ki Jitne Zamane Wo girwi Raha...
{Bahar-e-shariat, Hissa-5, page-877}

✏Mas'ala.
Koi Shakhs Qarazdar Hai Aur Qarza Chukane Ke Bad Uske Pas Nisab ke Barabar Maal BAQI Nahi rehta to uspe Zakat Nahi
{Fatawa Hindiya, Volume-1, page-172}

✏Mas'ala:
Zakat 3 Hi Qism Ke Maal Par Hai,
Sona Chandi,
Tijarat Ka Maal,
Saymah Charai Pe Chute Huye Janwar.
(Kutbe fiqah)

Eik Zaroori Masla........
Aap Jo Aksar Unte Hain 7.5 Tola Ya 52.5 Tola chandi Pe Zakat Ka Nisab Hota Hai Aur itna Maal jiske Pas Ho uspe Zakat wajib Hai,
But Ye Hisab Shariat Ka Hai New Zamane me iska Wazan Is Tarah Hoga.... 7.5 Tola Ka New Aitebar 87gram sona hoga 8.Tola 7.Gram usi pe zakat wajib hai usse kam pe nahi, aur jiske pas Aaj Ke Hisab Se 612gram chandi hogi usi pe zakat wajib hai usse kam pe nahi....

Guzarish... zakat ke masayel Bahot Bareek Hain... Aur Badi Tafseel Ke Saath Kitabo Me Likhe Gaye Hain, jo puri Tarah likh likh kar msg karna possible Nahi, is liye aapko Jo Bhi Masla Zakat Ke Hawale Se Janna Ho Plz Apne Shaher Ke Sunni Barelvi Mustanad Aalim Mufti Se Masle Puche...