Arsh Ki Aql Dang Hai Charkh Pe Asmaan Hai

Arsh Ki Aql Dang Hai Charkh Pe Asmaan Hai

Arsh Ki Aql Dang Hai Charkh Pe Asmaan Hai
Jane Muraad Ab Kidhar Haye Tera Makaan Hai

Bazme Sana E Zulf Me Meri Aruse Fikr Ko
Saari Bahaar E Hasht Khuld Chota Sa Itrdaan Hai

Arsh Pe Jaake Murge Aql Thak Ke Gira Gash Aa Gaya
Aur Abhi Manzilo Pare Pehla Hi Aastan Hai

Arsh Pe Taaja Cher Char Farsh Pe Turfa Dhoom Dhaam
Kaan Jidhar Lagaiye Teri Hi Daastaan Hai

Ik Tere Rukh Ki Roushni Chain Hai Do Jahan Ki
Ins Ka Uns Usi Se Hai Jaan Ki Wo Hi Jaan Hai

Wo Jo Na The To Kuch Na Tha Wo Jo Na Ho To Kuch Na Ho
Jaan Hai Wo Jahan Ki Jaan Hai To Jahan Hai

Ghod Me Aalam E Shabab Haal e Shabaab Kuch Na Pooch
Ghulbune Baagh E Noor Ki Aur Hi Kuch Uthan Hai

Tujhsa Siyahkaar Kaun Unsa Shafe'a Hai Kaha
Phir Wo Tujhi Ko Bhool Jaye Dil Ye Tera Ghuman Hai

Peshe Nazar Wo Nou Bahaar Sajde Ko Dil Hai Bekaraar
Rokiye Sar Ko Rokiye Ha Yahi Imtehaan Hai

Shaan E Khuda Na Saath De Unke Kheram Ka Wo Baaz
Sidra Se Ta Zamee Jise Narm Si Ek Udaan Hai

Baare Jalaal Utha Liya Garche Kaleja Shak Hua
Yu To Ye Maahe Sabz Rang Nazro Me Dhaan Pan Hai

Khauf Na Rakh Raza Zara Tu To Hai Abad E Mustafa
Tere Liye Amaan Hai Tere Liye Amaan Hai

Chamak Tujhse Paate Hain Sab Paane Waale

Chamak Tujhse Paate Hain Sab Paane Waale

Chamak Tujhse Paate Hain Sab Paane Waale
Mera Dil Bhi Chamka De Chamkane Waale

Barasta Nahi Dekh Kar Abr E Rehmat
Badoo(n) Par Bhi Barsa De Barsane Waale

Madine Ke Khitte Khuda Tujhko Rakhhe
Ghareebo Faqeero Ke Thehrane Waale

Tu Zinda Hai WALLAH Tu Zinda Hai WALLAH
Mere Chashme Aalam Se Chup Jaane Waale

Me Mujrim Hu AAQA Mujhe Saath Le Lo
Ke Raste Me Hai Jaa Baja Thane Waale

Haram Ki Zamee(n) Aur Qadam Rakh Ke Chalna
Are Sar Ka Mouqa Hai O Jaane Waale

Chal Uth Zabah Farsa Ho Saaki Ke Dar Par
Dar E Jood Hai Mere Mastane Waale

Tera Khaye Tere Ghulamo Se Uljhe
Hai Munkir Ajab Khaane Gurrane Waale

Rahega Yu Hi Unka Charcha Rahega
Pade Khaaq Ho Jaye Jal Jaane Waale

Ab Aayi Shafa'at Ki Sa'at Ab Aayi
Zara Chain Le Mere Ghabhrane Waale

Raza Nafs Dushman Hai Dumme Na Aana
Kaha Tumne Dekhe Hai Chandrane Waale

Lutf Unka Aam Ho Hi Jayega (Complete

Lutf Unka Aam Ho Hi Jayega (Complete)

Lutf Unka Aam Ho Hi Jayega
Shaad Har Nakaam Ho Hi Jayega

Jaan De Do Wa'ada E Deedar Par
Naqd Apna Daam Ho Hi Jayega

Shaad Hai Firdous Yani Ek Din
Qismat E Khuddam Ho Hi Jayega

Yaad Reh Jayengi Ye Be-Baakiya
Nafs Tu To Raam Ho Hi Jayega

Be Nishano Ka Nishaan Mit-ta Nahi
Mit-te Mit-te Naam Ho Hi Jayega

Yaad E Ghesu Zikr E Haq Aah Kar
Dil Me Paida Laam Ho Hi Jayega

Ek Din Aawaz Badlenge Ye Saaz
Chah-Chaha Kohram Ho Hi Jayega

Sailo Daaman Sakhee Ka Thaam Lo
Kuch Na Kuch In'aam Ho Hi Jayega

Yaad E Aabru Karke Tadpe Bulbulo
Tukde Tukde Daam Ho Hi Jayega

Mufliso Unki Gali Me Jaa Pado
Baagh E Khuld ikraam Ho Hi Jayega

Gar Yuhi Rehmat Ki Taawile Rahi
Madh(a) Har Ilzaam Ho Hi Jayega

Baada Khwari Ka Samaa Bandhne To Do
Shaikh Durd-Aasham Ho Hi Jayega

Gham To Unko Bhulkar Lipta Hai Yu(n)
Jaise Apna Kaam Ho Hi Jayega

Mit Ki Gar Yuhi Raha Karz E Hayaat
Jaan Ka Nilaam Ho Hi Jayega

Aaqilo Un Ki Nazar Seedhi Rahe
Borwo Ka Bhi Kaam Ho Hi Jayega

Ab To Layi Hai Shafa'at Afw Par
Badhte Badhte Aam Ho Hi Jayega

Ay Raza Har Kaam Ka Ik Waqt Hai
Dil Ko Bhi Aaram Ho Hi Jayega

Kya Hi Zauk Afza Shafa’at Hain Tumhari Wah Wah

Kya Hi Zauk Afza Shafa’at Hain Tumhari Wah Wah

Kya Hi Zauk Afza Shafa’at Hain Tumhari Wah Wah
Karz Leti Hain Gunah Parhezgari Wah Wah

Khama-E-Qudrat Ka Husn-E-Dastkaari Wah Wah
Kya Hi Tasveer Apne Pyare Ki Sawaari Wah Wah

Ashk Shab Bhar Intezar-E-Afwe Ummat Mein Bahe(n)
Main Fida Chaand Aur Yu Akhtar Shumari Wah Wah

Ungliya(n) Hain Faiz Par Toote Hain Pyase Jhoom Kar
Nadiya(n) Panjab E Rehmat Ki Hain Jaari Wah Wah

Noor Ki Khairaat Lene Daudte Hain Mehre Maah
Uthti Hain Kis Shaan Se Gard Sawaari Wah Wah

Neem Jalwe Ki Na Tab Aaye Qamar Saa To Sahi
Mehar Aur Un Talwo Ki Aaina Daari Wah Wah

Nafs Ye Kya Zulm Hain Jab Dekho Taaza Jurm Hain
Naatwa(n) Ke Sar Par Itni Bojh Bhari Wah Wah

Mujrimo Ko Dhundhti Phirte Hain Rehmat Ki Nigaah
Taaliye Bargashta Teri Saazgaari Wah Wah

Arz Begi Hain Shafa’at Afw Ki Sarkaar Mein
Chat Rahi Hain Mujrimo Ki Fard Saari Wah Wah

Kya Madine Me Saba Aayi Ki Phoolo Me Hain Aaj
Kuch Nayi Buu Bheeni-Bheeni Pyari-Pyari Wah Wah

Khud Rahe Parde Me Aur Aaina Akse Khaas Ka
Bhej Kar Anjaano Se Ki Rahdaari Wah Wah

Is Taraf Rouze Ka Noor Us Samt Mimbar Ki Bahaar
Beechme Jannat Ki Pyari Pyari Kyari Wah Wah

Sadqe Is In’aam Ke Qurbaan Us Ikraam Ke
Ho Rahi Hain Dono Aalam Me Tumhari Wah Wah

Para-E-Dil Bhi Na Nikla dil Se Tohfe Me Raza
Un Sagane Ku Se Inti Jaan Pyari Wah Wah

Wah Kya Judoo Karam Hain (complete)

Wah Kya Judoo Karam Hain (complete)

Wah Kya Joodo Karam Hain Shahe Bat-Ha Tera
Nahi Sunta Hi Nahi Maangne Waala Tera

Dhaare Chalte Hain Ataa Ke Wo Hain Qatra Tera
Tare Khilte Hain Sakhaa Ke Wo Hain Zar-ra Tera

Faiz Hain Ya Shahe Tasneem Nirala Tera
Aap Pyaso Ke Tajas-sus Me Hain Dariya Tera

Agniya(n) Palte Hain Dar Se Wo Hain Bada Tera
Asfiya Chalte Hain Sar Se Wo Hain Rasta Tera

Farsh Waale Teri Shaukat Ka Uloo Kya Jaane
Khusrava Arsh Pe Udta Hain Pharera Tera

Aasmaa(n) Khwan, Zamee(n) Khwan Zamana Mehmaan
Sahibe Khana Laqab Kiska Hain Tera Tera

Main To Maalik Hi Kahunga Ke Ho Maalik E Habeeb
Ya’ani Mehboobo Muheeb Me Nahi Mera Tera

Tere Qadmo Me Jo Hain Ghair Ka Muh Kya Dekhe
Kaun Nazro Pe Chadhe Dekh Ke Talwa Tera

Bahre Sa-il Ka Hu Sa-il Na Kuwe Ka Pyasa
Khud Bujha Jaye Kaleja Mera Cheeta Tera

Chor Haakim Se Chupa Karta Hain Ya Uske Khilaf
Tere Daamam Me Chupe Chor Anokha Tera

Aankhein Thandi Ho Jigar Taze Ho Jaan-E-Sairaab
Sachhe Suraj Wo Dil-Aara Hai Ujala Tera

Aik Main Kya Mere Isyaa(n) Ki Haqeeqat Kitni
Mujhse Sau Laakh Ko Kaafi Hain Ishara Tera

Muft Paala Tha Kabhi Kaam Ki Aadat Na Padee
Ab Amal Poochte Hain Haaye Nikamma Tera

Tere Tukdo Se Pale Ghair Ki Thokar Pe Na Daal
Jhidkiya Khaaye Kaha Chor Ke Sadqa Tera

Khwaro Bimaro Khatavaro Gunahgaar Hu Main
Rafe’ao Nafe’ao Shafe’a Lakab Aaqa Tera

Meri Taqdeer Buri Ho To Bhali Karde Ki Hain
Mahwo Isbaat Ke Daftar Me Kadoda Tera

Tu Jo Chahe To Abhi Mayl Mere Dil Ke Dhule
Ke Khuda Dil Nahi Karta Kabhi Mayla Tera

Kiska Muh Takiye Kaha Jaiye Kis Se Kahiye
Tere Hi Qadmo  Pe Mitt Jaye Yeh Paala Tera

Tu Ne Islam Diya Aaqa Tu Ne Jama’at Me Liye
Tu Kareem Ab Koi Phirta Hain Atiyya Tera

Maut Sunta  Hu Sitam Talkh Hain Jahraaba-e Nab
Kaun La De Mujhe Talwo Ka Ghusala Tera

Dur Kya Janiye Bad-kaar Pe Kaise Guzre
Tere Hi Dar Pe Mare Be-kaso Tanha Tera

Tere Sadqe Mujhe Ik Boond Bohat Hain Teri
Jis Din Achho Ko Mila Jam Chalakta Tera

Haram-O-Taibah Wa Baghdad Jidhar Kije Nigah
Jyot Padti Hain Teri Noor Hain Chanta Tera

Teri Sarkaar Me Laata Hain Raza Usko Shafe’a
Jo Mera Ghous Hain Aur Laadla Beta Tera

Haajiyo Aawo Shahenshah Ka Roza Dekho

Haajiyo Aawo Shahenshah Ka Roza Dekho

Haajiyo aao Shahenshah ka Roza dekho
Kaaba to dekh chuke Kaabe ka Kaaba dekho
Rukn e Shaami se miti wah’shate shaame ghurbat
Ab Madine ko chalo subhe dil aaraa dekho
Aabe Zam-Zam to piyaa khoob bujhaa-ee pyaase
Aao joode Shahe Kowsar ka bi darya dekho
Zayre Mizaab mile khoob Karamke cheente
Abre Rehmat ka yaha zowr barasnaa dekho

Dhoom dekhi hai dare kaaba pe betaabo ki
unke mushtako me hasrat ka tadapna dekho

misle parwana phiri karte the jis sham'a ke gird
apni uss sham'a ko parwana yaha ka dekho

Khoob aankho se lagaaya he Gilaafe Kaaba
Qasre Mehboob ke parde ka bhi jalwa dekho

Wa(n) mutiyo ka jigar khauf se pani paaya
ya(n) siyahkaaro ka daaman pe machalna dekho

Awwali khana e haq ki to ziyaye dekhi
aakhri bait e nabi ka bhi tajalla dekho

aymane tur ka tha rukne yamani me farog
shola e tur yaha anjuman-aara dekho

mehre madar ka maza deti hai aagosh e hateem
jin pe maa baap fida ya(n) karam unka dekho

Arz E Haajat Me Raha Ka'aba Kafeel E Injaah
Aao Ab Daad-Rasi E Shahe Taibah Dekho

Dho chuka zulmate dil bosaa-e Sunge Aswad
Khaak bosi-e-Madina ka bhi Rutbaa dekho

Kar chuki rif'ate kaaba pe nazar par-vaze
topi ab thaam ke khaaq e dar e wala dekho

be-niyazi se waha kaapti payi ta'at
joshe rehmat pe yaha naaz gunah ka dekho

Juma E Makka Tha Ird Ahle Ibadat Ke Liye
Mujrimo! Aao Yaha Ird E Doshamba Dekho

Multazim se to gale lag ke nikale armaan
adab o shouq ka yaha baham ulajhna dekho

Khoob mas'a me b-ummide safa daud liye
rahe jana(n) ki safaka bhi tamasha dekho

Raqs E Bismil Ki Bahaare To Meena Me Dekhi
Dil E Khu-Naaba Fisha Ka Bhi Tadapna Dekho
Zeenate Kaaba me tha laakh arooso ka banaw
Jalwa farma yaha kownain ka doolhaa dekho
Gowr se sun to Raza Kaaba se aati he sadaa
Meri aankho se mere Pyaare ka Rozaa dekho

Hai Kalaam-E-Ilahi Me Shams-O-Duha

Hai Kalaam-E-Ilahi Me Shams-O-Duha

Hai kalaam e Ilahi me Shamsuz'zuha, Tere chehre Noore Faza ki qasam

Qasam e Shab e taar me raaz yeh tha, ke Habeeb ki zulfe duta ki qasam

Tere Khulq ko HAQ ne azeem kaha, Teri khilq ko HAQ ne jameel kiya

Koee Tujh sa huwa hai na hoga Shaha, Tere Khaliqe husn o ada ki qasam

Woh Khuda ne hai martaba tujh ko diya, na kisi ko mile na kisi ko mila

Ke Kalaam e majeed ne khaee Shaha, Tere shehro kalamo baqa ki qasam

Tera masnade naaz hai Arshe baree, Tera mehrame raaz hai rooh e ameen

Tu hi Sarware har do jahaan hai shaha, Tera misl nahi hai Khuda ki qasam

Yehi 'arz hai khaliq e Ard o sama, Woh Rasool hai Tera, mai bandah Tera

Mujhe unki jawaar me day woh jagah, ke hai Khuld ko jiski safa ki qasam

Tu hi bandaun pa karta hai lutf o 'Ata, Tujhi pe bharosa hai Tujhi se dua

Mujhe Jalwah e Pak Rasool dikha, Tujhe apne hi izz o 'Ala ki qasam

Mere gar chay gunah hai had se siwa, magar Un se ummed hai Tujh se rija

Tu Raheem hai Unka Karam hai, gawah woh Kareem hai Teri 'Ata ki qasam

Yehi kehti hai bulbule baagh e jina, ke Raza ki tarha koee sehre bayaan

Nahi hind me wasif shahe huda, mujhe shaukhe tabae Raza ki qasam

Lam Yaati Naziiru Kafi Nazarin

Lam Yaati Naziiru Kafi Nazarin Mislay Tu Na Shud Peda Jaana

Jag Raaj Ko Taaj Toray Sar Sohay Tujh Ko Shahay Do Saraa Jana

Al Bahru Ala Wal Mowju Tagha Man Baykas O Tufaa(n) Hosh Ruba

Manjdhaar Me Hu Bigrri Hai Hawa Mori Nayya Paar Laga Jaana

Ya Shamsu Nazar Ti ilaa Layli Chuba Teyba Rasi Arzay Bokuni

Tori Jyot Ki Jhal Jhal Jag Me Rachi Meri Shab Nay Na Din Hona Jaana

Laka Badrun Fil Wajhil Ajamal Khat Haala E Mah Zulf Abr E Ajal

Toray Chandan Chandr Paro Kundal Rahmat Ki Bharan Barsa Jaana

Ana Fi Ata Shiunw Wasahaka Atam Eh Gaysu-Ay Paak Eh Abr E Karam

Barsan Haaray Rim Jhim Rim Jhim Do Buund Idhar Bhi Giraa Jaana

Ya kaafi Latii Zidi Azalak Rahme Bar Hasrate Tishna Labak

Mora Ziyra Larje Darak Darak Taibah Se Abhi Na Suna Jaana

Waahan Lisu Waiatin Zahabat Aa(n) Ahde Huzure Baargahat

Jab Yaad Aavat Mohe Kar Na Parat Darda Wo Madine Ka Jaana

Al Qalbu Shaji(n)v Wal Hammu Dil Zar Chuna(n) Ja(n) Zer Chunu(n)

Pati Apni Bipat Mai Ka Se Kahu Mera Kaun Hai Tere Siwa Jaana

Ar Ruhu Fidaa-Ka Fazid Harka Yak Shole Digar Barjan Ishka

Mora Tan Man Dhan Sab Phook Diya Ye Jaan Bhi Pyare Jalaa Jaana

Bas Khaama E Nava E Raza Na Ye Tarz Meri Na Ye Rang Mera

Irshaad E Ahibba Naatik Tha Nachar Is Raah Padaa Jaana

Sab Se Aola Wa Aala Hamara Nabi

Sab Se Aola Wa Aala Hamara Nabi

Sab se aola wa aala hamara Nabi
Sab se baala wa waala hamara Nabi

Apne Moula ka pyara hamara Nabi
Dono aalam ka Dulha ha hamara Nabi

Bazme Aakhir ka Shama faroza huwa
Noore awwal ka jalwa hamara Nabi

Buj gayi jis ke aage sabhi mash’ale
Shamma woh lekeh aaya hamara Nabi

Jis ke talwon ka dhowan he aabe Hayaat
Hai woh jaane Maseeha hamara Nabi

Khalq se Awliya Awliya se Rusul
Aur Rasoolon se aala hamara Nabi

Jaise sab ka Khuda ek he waise hi
In ka un ka thumhara hamara Nabi

Kawn deta he dene ko muh chahiye
Dene waala he sacha hamara Nabi

Kya khabar kitne taare khile chhup gaye
Par na doobe na dooba hamara Nabi

Saare ooncho meh ooncha samajhye jise
Hai oos oonche se ooncha hamara Nabi

Ghum zadoh ko Raza muzda dije ke he
Be kason ka sahara hamara Nabi

Pul Say Utaaro Raah Ghuzar Ko Khabhar Na Ho

Pul Say Utaaro Raah Ghuzar Ko Khabhar Na Ho

Pul Say Utaaro Raah Ghuzar Ko Khabhar Na Ho
Jibreel Par Bichaaey To Par Ko Khabhar Na Ho
Kaantaa Merey Jighar Sat Gham e Rozgaar Ko
Yoon Kheench Leeyjiey Kay Jighar Ko Khabhar Na Ho
Faryaad Ummatey Jo karay Haal e Zaar Mein
Mumkin Nahin Kay Khair e Bashar Ko Khabhar Na Ho
Kehtey They Yeh Buraaq Say Uskey Sabaq Raveey
Yoon Jaiey Kay Ghard e Safar Ko Khabhar Na Ho
Farmaatay Hein Yeh Dono Hein Sardaar e Do jahaa
Ay Murtazaa! Ateeq o Umar Ko Khabhar Na Ho
Aysa Ghumaa Day Un Key Vilaa Mein Khuda Humein
Dhoondhaa Karay Par Apney Khabhar Ko Khabhar Na Ho
Aa Dil! Haram Ko Roknay Waalon Say Chup kay Aaj
Yoon Uth Chalay Kay Pehlo Wabar Ko Khabhar Na Ho
Teer e Haram Hein Yeh Kaheen Rishta Bapaa Na Ho
Yoon Daykhiyeh Kay Taarey Nazar Ko Khabhar Na Ho
Ay Khaar e Taibah! Daykh Kay Daaman Na Bheekh Jaey
Yoon Dil Mein Aa Kay Deedah e Tar Ko Khabhar Na Ho
Ay Shauq e Dil! Yeh Sajdah Ghar Un Ko Ravaa Nahin
Acha! Woh Sajda Key Jiey Sar Ko Khabhar Na Ho
Un kay Sivaa RAZA Koey Haamey Nahin Jahaa
Ghuzra Karay Pisar Pay Pidar Ko Khabhar Na Ho