DARAKHTON PAR HUQUMAT

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 19

DARAKHTON PAR HUQUMAT➡

Ek martaba ek aarabi ne Huzoor salallaho alaihi wasallam se kaha : Ae Mohammad(salallaho alaihi wasallam) agar aap Allah ke Rasool hain to koi nishaani dikhaaiye , Huzoor salallaho alaihi wasallam ne farmaya : accha to dekho! wo jo saamne darakht khada hai usey jaakar itna keh do ki tumhein Allah ka Rasool bulata hai , chunanche wo aarabi us darakht ke pass gaya aur usse kaha , tumhein Allah ka Rasool bulata hai. Wo darakht ye baat sunkar apne aage peeche aur daayein baayein gira aur apni jadein zameen se ukhaadkar zameen par chalte huye Huzoor ki khidmat mein haazir ho gaya , arz karne laga : assalaam o aleykum Ya Rasoolallah! wo aarabi Huzoor se kehne laga ab isey huqm dijiye ki ye phir apni jagah par chala jaaye , chunanche Huzoor salallaho alaihi wasallam ne usse farmaya ki jaao , waapas chale jaao , wo darakht ye sunkar peeche mud gaya aur apni jagah jaakar qaayam ho gaya.
Aarabi ye mojiza dekhkar musalmaan ho gaya aur Huzoor ko sajda karne ki ijaazat chahi , Huzoor ne farmaya sajda karna jaayaz nahi , phir usne Huzoor ke haath pair mubarak chumne ki ijaazat chahi to Huzoor ne farmaya haan ye baat jaayaz hai , usne Huzoor salallaho alaihi wasallam ke haath aur pair mubarak chum liye.

(Hujjatullahu alal aalameen safaa 441)

Sabaq : Hamare aaqa Huzoor salallaho alaihi wasallam ka huqm darakhton par bhi jaari hai , ye bhi maaloom hua ki bujurgon ke haath pair chumna jaayaz hai , Huzoor salallaho alaihi wasallam ne issey mana nahi farmaya.

⚔⚔SHAMSHEER E AALAHAZRAT⚔⚔