Siraj Razvi Official : SACHCHI HIQAYAT

Showing posts with label SACHCHI HIQAYAT. Show all posts

Friday, August 19, 2016

HUZOOR SALALLAHO ALAIHI WASALLAM KA GUSL MUBARAQ

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 34

HUZOOR SALALLAHO ALAIHI WASALLAM KA GUSL MUBARAQ➡

Huzoor salallaho alaihi wasallam ke gusl mubaraq ke waqt sahaba e qiraam alaihim ur rizwan sochne lage aur aapas mein kehne lage - jis tarah dusre logon ke kapde utaarkar unko gusl diya jaata hai usi tarah Huzoor ke kapde mubaraq utaarkar Huzoor ko gusl diya jaaye ya Huzoor ko kapdon samet gusl diya jaaye , is baat par guftgu kar rahe the ki achanak sab par neend taari ho gayi aur sabke sar unke seeno par dhulak gaye , phir sabko ek aawaz aayi , kehne waala keh raha tha : tum jaante nahi ye kaun hain ? Khabardaar ye Rasoolullah hain , inke kapde na utaarna , inhe kapdon samet hi gusl do , phir sabki aankhein khul gayin , Huzoor ko kapdon samet hi gusl diya.

(Mawahib Ladduniya jild 2 safaa 378, Mishqaat Sharif safaa 537)

Sabaq : Hamare aaqa Huzoor salallaho alaihi wasallam ki shaan sabse mumtaz aur burgazeeda hai , koi shaksh aisa nahi jo unki misl ho , aapki ye zindagi , aapka zaahiri wisaal sharif , aapka gusl sharif aur aapka qabr e anwar mein raunak afroz bona har baat aapki mumtaz hai , koi shaksh kisi baat mein aapki misl nahi.

⚔⚔SHAMSHEER E AALAHAZRAT⚔⚔

HUZOOR SALALLAHO ALAIHI WASALLAM AUR MALAKUL MAUT

✨SACCHI HIQAYAT✨

🍁HISSA AWWAL🍁

PEHLA BAAB

🌹🌹🌹🌹🌹🌹🌹🌹🌹
SYED UL AMBIYA HUZOOR AHMED E MUJTABA MOHAMMAD MUSTAFA SALALLAHO ALAIHI WASALLAM WAMA ARSALNA KA ILLA REHMAT AL LIL AALAMEEN
🌹🌹🌹🌹🌹🌹🌹🌹🌹

HIQAYAT NO. 32

HUZOOR SALALLAHO ALAIHI WASALLAM AUR MALAKUL MAUT➡

Huzoor Sarwar e Aalam salallaho alaihi wasallam ke zaahiri wisaal sharif ka jab waqt aaya to Hazrat Malakul Maut Hazrat Jibraeel e Ameen alaihis salaam ke saath mein haazir huye , Hazrat Jibraeel e Ameen ne arz kiya :
Ya Rasoolallah salallaho alaihi wasallam ye malakul maut aaya hai aur aapse ijazat talab karta hai , Huzoor ! isne aaj tak kabhi na kisi se ijazat li hai aur na aapke baad kisi se ijazat lega , Huzoor agar aap ijazat dein to apna kaam kare , Huzoor ne farmaya : Malakul Maut ko aage aane do , chunanche Malakul Maut aage bada aur arz karne laga : Ya Rasoolallah Allah tabarak wa ta aala ne mujhe aapki taraf bheja hai , mujhe ye huqm diya hai ki main aapka har huqm maanu aur jo aap farmayein wahi karun , lihaaza aap agar farmayein to main rooh e anwar kabz karoon warna waapas chala jaaun , Hazrat e Jibraeel ne arz kiya : Huzoor ! Khudawand Kareem aapke liqaaye wisaal ko chahta hai , Huzoor salallaho alaihi wasallam ne farmaya : Ae Malakul Maut ! tumhe jaan lene ki ijazat hai , Hazrat e Jibraeel e Ameen alaihis salaam ne arz kiya : Huzoor ! ab jabki aap tashreef liye jaa rahe hain to phir zameen par mera ye aakhri phera hai , isliye ki mera maqsood to aap hi the , iske baad Malakul Maut kabz e rooh e anwar ke sharf se musharraf huye.

(Mawahib Ladduniya jild 4 safaa 571, Mishqaat Sharif safaa 541)

Sabaq : Hamare aaqa Huzoor salallaho alaihi wasallam ki itni badi shaan hai ki wo malakul maut jisne kabhi kisi bade se bade baadshah se bhi ijazat nahi li , hamare Huzoor ki khidmat mein haazir hokar pehle ijazat talab karta hai , yun kehta hai ki agar aap farmayein to jaan loon warna waapas chala jaaun , Khuda usey ye huqm dekar bhejta hai ki mere mehboob ki ita'at karna , jo wo farmayein wahi karna , bawajood iske jo gustakh Huzoor ko apni misl kehte hain kis qadar gumraah hain ? kya kabhi inse bhi malakul maut ne ijazat li hai ?

⚔⚔SHAMSHEER E AALAHAZRAT⚔.