Najd ki haqiqat

Part 13 Wahabi najdi ki haqiqat

Rasoolallah sallallahu alaihe wasallam ne yemen ki taraf ishara kiya aur farmaya ke imaan yemani hai aur agah ho jao ke fitnah aur sangdili oontoon ki dummoon ke qareeb rehne waloon Mudar aur Rabiya mein hai jahan se shaitan ke 2 seeng niklain gay.
Sahih muslim hadees  Page 52, vol 1, bukhari 466, vol 1

HADEES
Hazrat abu masaud radi Allah anho se rawayat hai ke Rasoolallah Sallallahu Alaihe Wasallam ne Yemen ki Taraf apne dast e Mubarak se ishara kerte hoey farmaya imaan to yahan (Yemen) hai aur sakhti aur sangdili Rabiyya aur Mudar oontoon waloon mein hai jo oontoon ki dummoon ke peechay peechhay hankte chale jate hain. Jahan se shaitan ke 2 seeng niklain gay yanni qabeela Rabiyya aur Mudar
Sahih Muslim vol 1, page 184, Hadees 183

Hadees
Abu Hurayra radi Allah anho se marvi hai ke Hazoor Sallallahu Alaihe Wasallam ne farmaya ke: Imaan Yemni hai aur kuffer mashraqi hai. Bakriyoun waloon ke liye sakoon o itminaan hai jab ke oont (camel) aur gorray (horse) waloon mein takabbur, gharoor aur darushtagi paee jati hai. Aur dajjal jab ohad ke peechhay pohanchay ga to farishtay uska rukh shaam ki taraf morr dain gay jahan wo halaak hoga. Ye hadees Hassan sahih hai
Jami'a Trimdi Vol 2, Page 139 Hadees 124

HADEES
Hazrat Ibn Umer radi Allah anho se rawayat hai ke Rasoolallah Sallallahu alaihe wasallam Hazrat Hafsa radi Allah anha ke darwazay ke pass kharray howy thy to Aap Sallallahu alaihe wasallam ne apne hath se mashraq ki taraf ishara farmaya aur farmaya fitnah yahan hoga jahan se shaitan ka seeng talooh hota hai, issay Aap sallallahu alaihe wasallam ne 2 ya 3 bar martaba farmaya. Aur ubaidullah bin saeed ne apni rawayat mein Aap Sallallahu Alaihe wasallam syeda Ayesha Radi Allah Anha ke darwazay ke pass kharray thy. Sahih Muslim, Vol 3, Page 1836 Hadees 2796

HADEES
Hazrat Ibn Umer Radi Allah anho rawayat kerte hain ke aik martaba Hazoor sallallahu Alaihe Wasallam ne 2 martaba ye dua ki ke
Aey Allah! Hamaray shaam aur Yemen Mein barkatain Nazil farma, Aik Admi ne arz kiya Ya Rasoolallah! Hamaray mashraq ke liye bhi Dua farmaiye! Nabi Sallallahu Alaihe Wasallam ne farmaya: Wahan se to Shaitan Ka seeng talooh (nikalta) hota hai aur 10 mein se 9 feesad sher yehi hota hai.    Sahih Bukhari, Hadees 7094, Ibn Hibban 7301

AHADEES:
Hazoor Sallallahu alaihe Wasallam ne farmaya ke kuffer ka markaz mashraq ki taraf hai, fakhr o takabbar gorray waloon mein aur oont waloon mein hai jin ke dil sakht hain aur narmi akhlaqi aur maskeeni bakri waloon mein hai
Aik aur hadees mein farmate hain ke Imaan to Yemen Waloon mein hai aur kuffer mashraq ki taraf hai aur bakri waloon mein maskeeni, naram mazaji hoti hai aur gharoor aur riya kari, sakht mazaji aur badkhalqi gorroon waloon aur oontoon waloon mein hai.  Sahih Muslim Vol 1, Page 186/187, Hadees 187/188

Hadees 
Hazrat Abu Hurayra Radi Allah Anho se Rawayat hai ke Rasoolallah Sallallahu Alaihe Wasallam ne Farmaya: Imaan Yemeni Hai Aur Kuffer Mashraqi hai, Bakriyoun waloon ke liye Sakoon o Itminaan Hai Jab ke oont aur gorray waloon mein takabbur, gharoor aur darushtagi Pai Jati Hai Aur dajjal jab ohad (Madina ke Mashriq) ke peechhay pohanchay ga To farishtay us ka Rukh shaam ki taraf Morr Dain gay, Jahan wo halak hoga. Ye hadees Sahih Hai
Jami'a Trimdi Vol 2, Page 139 Hadees 124