Post 36

Post #36

HADEES # 45:

BESHAK yeh SHO'ABLA (RAZI ALLAH ANHU) k JOOTON KI AAWAAZ HAI JO MUJHEY REHAANA K QUBOOL-E-ISLAAM ki KUSHKHABRI DENE AARAHAY HAIN:

Imaam Jalaal Ud Deen Sayooti 911 Hijri main likhte hain:

Tarjuma: " Behki (RehmatULLAH Aleh) Likhte hain k NABI-E-KAREEM (Aleh Salaam) ne Bani Qurezaa ki Aurton main se Rehana Bint-E-Umaro ko Apni Zojiyat k liye PAsand Farmaya, to us ne Islam Laaney se Inkaar kar diya.. Us Se AAP Kabeedah Khaatir huwe, Abhi AAP Sahaba Karaam ki Majlis main Tashreef farma they k AAP ne Apne Peechey Do (2) Jooton k Girne ki Aawaaz suni aur Farmaya: " Yeh Dono (2) Jootey Ibn-E-Sai'yyah k hain, jo Mujhey Rehana k Islam Laaney ki Bashaarat deraha hai""..

(Khasais Ul Kubra, Jild#1, Page#386, Matboo'a Daar Ul Kutub Ilmiyah Beroot)

Imaam Abdul MAlik Bin Hashaam 213 Hijri main likhte hain:

Tarjuma: " Ek Moqey par HUZOOR (ALEH SALAAM) Apney Sahab k Sath Tashreef Farma they, k Apney Peechey kisi Aaney Waaley k Jooton ki Aawaaz Suni.. To HUZOOR (ALEH SALAAM) ne Farmaya, Beshak yeh Sho'abla Bin Sai'yyah (Razi ALLAH Anhu) k Jooton ki Aawaaz hai jo muhjey Rehana k Qubool-E-Islam ki khushkhabri dene Aarahe hain, Chunachay Unhon ne Haazir-E-Khidamt ho kar Bataya, YA RASOOL ALLAH (ALEH SALAAM) REHANA NE ISLAM QABOOL KARLIYA HAI.. Is k Is Amal Par AAP (ALEH SALAAM) ko Bohat Ziyaadah Khushi Huwi"

(Al Seerat Ul Nabuuwaiyyah, Seerat Ibn-E-Hashaam, Jild#4, Page#205-206, Matboo'a Dar Ul Jeel, Beroot)

Haafiz Ammad Ud Deen Ismail Bin Umar Bin Kaseer bhi yahi 774 Hijri main likhte hain:

(Bahawala: Al Seerat Ul Nabuuwaiyyah, Jild#4, Page#503, Matboo'a Daar Ul Kitaab Ul Arabi, Beroot)

Haafiz Abu Bakar Ahmed Bin Hussain 458 Hijri main Riwaayat karte hain:

Tarjuma: " Abhi Aap Sahaba E Karaam (Razi ALLAH Anhu) ki Majlis main Tashreef farma they k AAP ne Apney Peechay Do Jooton k girne ki Aawaaz suni, Farmaya: Yeh Dono (2) Jootay Ibn-E-Sho'abla k hain, jo mujhhey Rehana k Islam Laaney ki Bashaarat de raha hai"..

(Dalael E Nabbuwwah, Jild#4, Page#24-25, Matboo'a Daar Ul Kutub Ilmiyah, Beroot)

Allama Yousuf Bin Ismail 1350 Hijri main Likhte hain:

Tarjuma: " Behki (RehmatULLAH Aleh) Likhte hain k NABI-E-KAREEM (Aleh Salaam) ne Bani Qurezaa ki Aurton main se Rehana Bint-E-Umaro ko Apni Zojiyat k liye PAsand Farmaya, to us ne Islam Laaney se Inkaar kar diya.. Us Se AAP Kabeedah Khaatir huwe, Abhi AAP Sahaba Karaam ki Majlis main Tashreef farma they k AAP ne Apne Peechey Do (2) Jooton k Girne ki Aawaaz suni aur Farmaya: " Yeh Dono (2) Jootey Ibn-E-Sai'yyah k hain, jo Mujhey Rehana k Islam Laaney ki Bashaarat deraha hai""..

(HajjatULLAH AliULAALAMEEN Fi ojizaat Saeyyad Ul Mursaleen, Page#343-344, Matboo'a Daar Ul Kutub Ilmiyah Beroot)

Fasila Aap Khud Karen.. Kiya yeh ILM-E-GAIb nahin k Sirf Jootiyon ki Aawaaz sun k Bata diya k yeh Jootiyon ki Aawaaz Sho'abla (Razi ALLAH Anhu) ki hai.. aur Sirf yeh na Bataya k Jootiyon ki Aawaaz Sho'abla (Razi ALLAh Anhu) ki hai, Balkey yeh bhi Bataya k Sho'abla (Razi ALLAh Anhu) Rehana k Islam Qubool karne ki khushkhabri dene Aae hain..

SubhanALLAH..

JazakALLAH

Continue