Post 26

Post #26

HADEES # 35:

AMMAR BIN YASIR (Razi ALLAH Anhu) se farmaya, TUMHEN BAAGI JAMA'AT SHAHEED KAREGI:

Imaam Jalaal Ud Deen Sayooti 911 Hijri main Riwaayat karte hain:

Tarjuma: " Shekheen (RehmatULLAH) ne Abu Saeed O Muslim (RehmatULLAH Aleh) neUmme Salma (Razi ALLAH Anhu) aur Abu Qatadah (Razi ALLAH Anhu) se Riwaayat ki kRASOOL ALLAH (ALEH SALAAM) ne HAZRAT AMMAR (Razi ALLAH Anhu) se farmaya,Tumhen Baagi Jama'at Shaheed karegi, yeh Hadees Mutawatir hai, ise 10 Shabiyon ne Riwaayat kiya hai".

(Khasais Ul Kubra, Jild#2, Page#239, Matboo'a Daar Ul Kutub, Ilmiyah, Beroot)

Imaam Ibn-E-Abdul Bar (rehmatULLAH Aleh) Likhte hain:

Tarjuma: " HUZOOR (ALEH SALAAM) se aksar is baaray main Naqal ki gai hai k AMMAR (Razi ALLAH Anhu) ko ek Baagi Giroh Qatal karega, aur Yeh RASOOL ALLAH (ALEH SALAAM) ka Akhbaar Ul GAIB hai aur yeh ALAAM UN NABUWWAH hai, aur Yeh HADEES SAHI hai"..

(Al Astiyaab, Zikar Hazrat Ammar Bin Yaasir (Razi ALLAH Anhu), Jild#3, Page#1140, Ba Raqam 1863, Matboo'a Daar Ul Jeel, Beroot)

Imaam Abi Al Abbas Ahmed Bin Ahmed Al Khateeb 810 Hijri main bhi yahi Likhte hain:

(Bahwala: Waseela Tul Salaam Ba Nabi (ALEH SALAAM), Page#133, Matboo'a Daar Ul Garb Ul Islaami, Beroot)

Imaam No'wi (RehmatULLAH Aleh) ne bhi yahi likha:

(Bahawala: Tehzeeb Ul Asma, Jild#2, Page#351, Ba Raqam#465, MAtboo'a Daar Ul Fiqar, Beroot)

Imaam Ahmed Bin Umar O Bin Azhaak Abu Bakar As Shebaani 287 Hijri main bhi yahi Likhte hain:

(Bahawala: Al Ahaad O Al Mashaani Zikar Ammaar Bin Yaasir, Jild#1, Page#207, Raqam Ul Hadees 271, Matboo'a Daar Ur Ra'ya Ur Riyaaz)

Imaam Ibn E Abdul Bar (RehmatULLAH Aleh) bhi yahi Likhte hain:

(Bahawala: Al Isti'aab Zikar Hazrat Ammaar Bin Yasir (Razi ALLAH Anhu), Jild#3, Page#1139, Baraqam 1863, Matboo'a Daar Ul Jeel, Beroot)

Muhaddis E Kabeer Imaam Abu Naeem Ahmed bin Adullah Asfahani 430 Hijri main Riwaayat karte hain:

TArjuma: Hazrat Umar O Bin Deenaar (RehmatULLAH Aleh) Bayaaan karte hain, k ek Misri Shakhs ne farmaya, k Ek baar Hazrat Umar O Bin Al Aas (Razi ALLAH Anhu) ne logon mainHidaaya Taqseem kiya, Hazrat Ammaar (Razi ALLAH Anhu) ko dusron k Muqaablay main ziyaadah diya, Un se in ki Wajah Puchi gai, inhon ne farmaya, main ne in k Muta'alliq HUZOOR (ALEH SALAAM) ko yeh kehte huwe suna, Ae Ammaar tera Qaatil ek Baagi Giroh hoga"..

(Halyat Ul Oliya O Tabqaat O Al Asfiyah,Jild#7,Page#197,Matboo'a Daar Ul Kitaab Al Arabi, Beroot)

In k Ilawa Muhaddis E Kabeer Imaam Abu Naeem Ahmed Bin Abdullah Asfahani 430 Hijri main do (2) Sanadon k saaath Umm Ul Momineen Hazrat Umme Salma (Razi ALLAH Anhu) se aur Chaar (4) Sanadon k saath Hazrat Abu Saeed Khadri (RehmatULLAH Aleh) aur Ek Sanad k saath Hazrat Abdullah Bin Umar O (Razi ALLAH Anhu) se aur ek Sanad k saath Hanzla Bin Sawaid (Razi ALLAH Anhu) se is Riwaayat ko Naqal karte hain"..

(Halyat Ul Oliya O Tabqaat O Al Asfiyah,Jild#7,Page#196-197,Matboo'a Daar Ul Kitaab Al Arabi, Beroot)

Yahi Muhadis E Kabeer Imaam Abu Naeem Ahmed Bin Abdullah Asfahani 430 Hijri main likhte hain:

Tarjuma: " Ataab Bin Saaeb k Silsila E Sanad se Abu Al Bakhtari aur Mesrah ka Qol MArwi hai:

Hazrat Ammaar Bin Yaasir (Razi ALLAH Anhu) ko Jang Safeen k Roz Doodh pesh kiya gaya, AAP (Razi ALLAH Anhu) ne Nosh kar k farmaya, HUZOOR NABI E KAREEM (ALEH SALAAM) k farmaan k Mutaabik, is k Baad mere Batan main koi cheez nahin jaegi, is k baad Ammaar (Razi ALLAH Anhu) Qataal main Mashgool hogae, aur Bil Aakhir, Qataal karte karte duniya se chale ge"..

(Hulyat Ul Oliya O Tabqaat Ul Asfiyah Zikar Ammaar Bin Yaasir, Jild#1, PAge#141, Matboo'a Daar Ul Kitaab Al Arabi, Beroot)

Imaa Abdul Maalik Bin Hasshaam 213 Hjiri main Likhte hain:

Tarjuma: " Hazrat Ammaar Bin Yasir (Razi ALLAH Anhu) Masjid ki jagah main daakhil huwe,Sahab E Karaaam ne in par Bohat Ziyaadah inten rekhin thin, inhon ne Arz ki YA RASOOL ALLAH (ALEH SALAAM) inhon ne mujhey halaak kar diya hai aur Mujh pe itna bojh daala hai jise main Utha nahin sakta, HAZRAT AMEER UL MOMINEEN UMME SALMA (Razi ALLAH Anhu) farmaati hain, mene NABI E KAREEM (ALEH SALAAM) ko dekha, AAP Apni Zulf Mubaarak ko Dast E Aqdas se saaf farma rahe the, AAP (Sallalaho Alehe Wassallam) k Baal Mubaarak k Baal Ghumgraalay (Curly) the, AAP (ALEH SALAAM) ne farmaya, Ae Sumaiyyah k Noor E Nazar yeh log tumhen Qatal nahin karenge, tumhen to ek Baagi Giroh Shaheed karega"..

(As Seerat Un Nabuwwah Al Maaroof Seerat Ibn-E-Hasshaam, Jild#3, Page#25, Matboo'a Daar Ul Jeel, Beroot)

Allama Abdul Qasim Abdur Rehman Bin Abdullah 571 Hijri main Likhte hain:

Tarjuma: " Jaama Mu'ammar Raashid main hai k Taameer Masjid E Nabwi k Waqt Hazrat Ammaar (Razi ALLAH Anhu) Bayak waqt Do Do (2,2) Eenten utha kar laa rahe the, Ek Eent Apni taraf se, aur Dusri Eent HUZOOR (ALEH SALAAM) ki taraf se, jab k Baaqi Log Ek Ek Eent Utha kar laa rahe the, HUZOOR (ALEH SALAAM) ne HAZRAT AMMAR (Razi ALLAH Anhu) se farmaya, Logon k Liye ek Gunah jab k Tumharay liye Do (2) Gunah Ajar (Sawaab) hai, aur Dunya se Tumhari Aakhri Khuraak Doodh hoga, aur Tujhey ek Baagi Giroh Qatal karega"..

(Roza Al Anaf Zikar Sumiya Um Ammar, Jild#2, Page#338, MAtboo'a Daar Ul Kutub Ilmiyah, Beroot)

Imaam Muhammad Bin Saad (RehmatULLAH Aleh) likhte hain:

Tarjuma: " Abi Al Bakhtari (RehmatULLAH Aleh) bayaan karte hain k Jang E Safeen main Ammaar Bin Yaasir (Razi ALLAH Anhu) ne kaha k mere pass Doodh ka Sharbat laao q k RASOOL ALLAH (ALEH SALAAM) ne mujh se farmaya k Dunya ka Aakhri Sharbat jo tum piyo ge, woh Doodh ka sharabat hoga, Doodh laya gaya, us Doodh ko unhon ne Nosh farmaya, Phir Aage barhe aur Shaheed hogae...

Abi Al Bakhtari (RehmatULLAH Aleh) bayaan karte hain k us roz Ammaar Bin Yasir (Razi ALLAH Anhu) k pass Doodh laya gaya, to woh Muskurae aur kaha k Mujh se RASOOL ALLAH (ALEH SALAAM) ne farmaya, k sab se Aakhri Mashroob jo tum Piyo ge, woh Doodh hoga, yahaan tak ise pee kar tum Dunya se Rukhsat hojao ge"..

(Tabqaat Ibn-E-Saad, Jild#3,Page#257, MAtboo'a Daar Us Saadir, BerooT)

Imaam Abu Bakar Ahmed Bin Hussain Behki 458 Hijri main Riwaayat karte hain:

Tarjuma: " Hazrat Ammaaar (Razi ALLAH Anhu) ki kaneez se Riwaayat hai k unhon ne kaha k HAZRAT AMMAAR (Razi ALLAH Anhu) ko Sakht Beemaari Laahak huwi aur un par Behoshi Taari hogai, phir unhen Afaaqa huwa, to dekha k hun sab in Gird ro rahe hain, unhon ne farmaya, kiya log dar rahe the k main apne Bistar par Mar jaounga, Mujhey mere HABEEB RASOOL ALLAH (Sallalaho Alehe Wassallam) ne khabat di hai k Mujhey Baagi Jama'at Qatal karegi aur Dunya main meri Aakhri Giza Paani Mila huwa Doodh hoga"..

(Dalael Un Nabuwwaah, Jild#6, Page#421, MAtboo'a Daar Ul Qutub, Ilmiyah, Beroot)

(Khasais Ul Kubra, Jild#2, Page#239, Matboo'a Daar Ul Kutub, Ilmiyah, Beroot)

Imaam Jalaal Ud Deen Sayooti 911 Hiri main Riwaayat karte hain:

Tarjuma: " Imaam Ahmed Bin Saad O Tibraani O Haakim (RehmatULLAH Aleh) ne Sahikar behki O Abu Naeem (RehamtULLAH Aleh) se Abu Al Bakhtari (RehamtULLAH Aleh) se Riwaayat ki k, Yom E Safeen ko Hazrat Ammaar Bin Yaasir (Razi ALLAH Anhu) k Paas doodh ka piyaala laaya gaya, use dekh kar unhon ne Tabassum kiya, logon ne pucha is main Hansne ki konsi baat hai, unhon ne kaha k RASOOL ALLAH (ALEH SALAAM) ne farmaya, Dunya main Aakhri Giza jise tum piyo ge, woh Doodh ka Sharbat hai, is k baad woh Aage Barhe aur Shaheed hogae"..

(Khasais Ul Kubra, Jild#2, Page#239, MAtboo'a Daar Ul Kutub, Ilmiyah, Beroot)

Imaam Ahmed Bin Hambal 241 Hijri main Riwaayat karte hain:

Tarjuma: " Hazrat Huzail (Razi ALLAH Anhu) se Riwaayat ki k unhon ne kaha k RASOOL ALLAH (ALEH SALAAM) tashreef lae, Logon ne Arz kiya Hazrat Ammaar (RAzi ALLAH Anhu) par chat gir gai hai, aur woh foat hogae hain, AAP (ALEH SALAAM) ne farmaya, Woh FOAT nahin huwe hain"..

(Fazail E Sahaba, La Bin Hambal,Jild#2, Page#857, Raqam Ul Hadees 1597, Matboo'a Mosasta Ar Risaala, Beroot)

Imaam Jalaal Ud Deen Sayooti 911 Hiri main Riwaayat karte hain:

Tarjuma: " Ibn-E-Saad (RehmatULLAH Aleh) ne Huzail (Razi ALLAH Anhu) se Riwaayat kik unhon ne kaha k RASOOL ALLAH (ALEH SALAAM) tashreef lae, logon ne kaha k Hazrat Ammaar par chat gir gai hai, aur woh Foat hogae hain, AAP (ALEH SALAAM) ne farmaya, Hazrat Ammaar (Razi ALLAH Anhu) foat nahin huwe hain"..

(Khasais Ul Kubra, Jild#2, PAge#239, MAtboo'a Daar ul Kutub, Ilmiyah, Beroot)

Fasila Khud karen, Hazrat Ammaar ko batana, k Un ko Ek Baagi giroh Qatal karega aur un ki Aakhri Giza Doodh hogi, Yeh ILM-E-GAIb hai ya nahin??

Hazrat Ammaar (Razi ALLAH Anhu) ka ILM-E-GAIb ka Aqeeedah dekhen, k Un ko PAkka Yakeen tha, k Bas un k HABEEB NABI (ALEH SALAAM) ne keh diya, k Baagi Giroh Qatal karega, aur Aakhri Giza Doodh hai to bas... Yeh hota hai Ishq E RASOOL (ALEH SALAAM) aur un k Atai ILM-E-GAIB pe Aqeedah rakhna..

Continue