Post 30

Post 30

HADEES # 39:

IN NEZON SE FIDYA ADA KARO JO JADDAY MAIN HAIN:

Imaam Muhammad Bin Saad 230 Hijri main likhte hain:

TArjuma: " HAzrat Abdullah Bin Haaris Bin Nofil (Razi ALLAH Anhu) Bayaan karte hain, kNofil Bin Haaris Badar main Giraftaar kiye gae to, un se RASOOL ALLAH (ALEH SALAAM) ne farmaya ae Nofil apni Jaan ka fidya do, Arz ki YA RASOOL ALLAH (ALEH SALAAM)!! Mere Pass to kuch bhi nahin jis se main apni Jaan ka fidya Ada kar sakun, farmya, Apni Jaan ka fidya un Nezon se Ada karo jo Jadday main hain, is par Nofil (Razi ALLAH Anhu) ne Arz ki, MAIN GAWAHI DETA HUN, BESHAK AAP ALLAH K RASOOL hain".. (Subhan ALLAH)

(Tabqaat Ibn-E-Saad, Jild#4, Page46, Matboo'a Daar Us Saadir, Beroot)

Imaam Jalaal Ud Deen Sayooti 911 Hijri main Riwaayat karte hain:

Tarjuma: " Hazrat Abdullah Bin Haaris Bin Nofil kehte hain, k jab Nofil Bin Haaris Badar k Muqaam par Qedi huwe, to HUZOOR (ALEH SALAAM) ne un se farmaya, Apne Fidya de kar Azaadi haasil karlo, unhon ne farmaya mere pass to jaan churaane k liye koi cheez nahin, HUZOOR (ALEH SALAAM) ne farmaya us maal se fidya do, jo Jaddah main hai, yeh sun kar Nofil Pukaar uthe, main GAWAHI deta hun, k AAP ALLAH k RASOOL hain, phir us maal ka fidya de kar, Rihaai Haasil ki"..

(Khasais Ul kubra, Jild#1, Page#342, Matboo'a Daar Ul Kutub Ilmiyah, Beroot)

Allama Abu Al Qasim Abdur Rehman Bin Abdullah 571 Hijri main Likhte hain:

Tarjuma: " Musalmaan hone waale Aseeran-E-Badar main se ek Hazrat Nofil Bin Haaris Bin Abdul Mutallib (Razi ALLAH Anhu) hain, kaha jaata hai k Aap ne GazwahE Khandak k Saal Islam Qabool kiya, aur Madina E Teba ki taraf Hijrat ki, yeh bhi kaha Gaya hai k AAP usi Waqt Islam le aae the, jab Aap ko Qed kiya gaya, Waqiyah yun hai k NABI E PAK (ALEH SALAAM) ne farmaya, Apna Fidya ada karo, unhon ne Arz kiya, mere pass Fidyeh ki Adaegi k liye MAal nahin, HUZOOR (ALEH SALAAM) ne farmaya, un Nezon k Zariye Fidya Ada karo jo tum ne Jaddah main Rakhey hain, HUZOOR (ALEH SALAAM) ka yeh Irshaad sun kar woh kehne lage, Qasam Ba Khuda ALLAH TA'ALA k Siwa kisi ko is baat ka ILM na tha, k Jaddah main mere Nezay pare hain, Main GAWAHI DETA HUN K AAP ALLAH TA'ALA k SACHAY RASOOL hain"..

(Roz Al Anaf Tasmee'ah MAn Asar Man Al Mushrikeen Yom E Badar,Jild#3, Page#76, MAtboo'a Daar Ul Kutub Ilmiyah, Beroot)

Allama Yousuf Ismail 1350 Hijri main Likhte hain:

Tarjuma: " Hazrat Abdullah Bin Haaris Bin Nofil kehte hain, k jab Nofil Bin Haaris Badar k Muqaam par Qedi huwe, to HUZOOR (ALEH SALAAM) ne un se farmaya, Apne Fidya de kar Azaadi haasil karlo, unhon ne farmaya mere pass to jaan churaane k liye koi cheez nahin, HUZOOR (ALEH SALAAM) ne farmaya us maal se fidya do, jo Jaddah main hai, yeh sun kar Nofil Pukaar uthe, main GAWAHI deta hun, k AAP ALLAH k RASOOL hain, phir us maal ka fidya de kar, Rihaai Haasil ki"..

(Hajjatullah Ali Ul Aalameen Fi Mojizaat Saiyyad Ul Mursaleen, Page#347, Matboo'a Daar Ul Kutub Ilmiyah, Beroot)

Faisla Aap ka.. Kiya ab bhi Aap ko Yakeen Nahin k Mere NABI (ALEH SALAAM) ko ALLAH TA'ALA ne ILM-E-GAIB Ata kiya??

Continue