18

Page 18

Surat se nafrat karoge, us ke saaye se door bhaagoge, us ka naam sunkar gaiz laaoge jo us ke liye banaawaten gadhe, us ke bhi dushman hojaaoge, fir khuda ke liye maan baap ko ek palle me rakho aur Allah waheed e kahhar aur muhammad rasoolullah sallallahu alaihi wasallam ki izzat aur azmat par imaan ko dusre palle me, agar musalman ho to maan baap ki mohabbato himayat ko Allah aur rasool ki mohabbat aur khidmat ke aage naachiz jaanoge to waajib waajib waajib, laakh laakh waajib se badh kar waajib ke un ki badgo se wo nafrat aur doori aur gaiz aur judaai ho ke maan baap ke dushman dahindah ke saath us ka hazaron hisse na ho  ye hain wo log jin ke liye un saat nematon ki basharat hai
Musalmano tumhara ye zalil khair khwah ummid karta hai ke Allah waaheed e kahhar ki un aayat aur us bayaan shafi waazehul bayanaat ke baad us baare me ap se zyadah arz ki haazat na ho tumhare imaan khud hi un badgoyon se wahi paak mubarak alfaz bol uthenge jo tumhare rab az-wa-jal ne quran e azeem me tumhare sikhne ko qoum e ibrahim alaihissalam se naql farmaye

Tumhara rab az-wa-jal farmata hai :

Beshak tumhare liye ibrahim aur uske saath waale musalmano me achhi res hai, jab woh apni qoum se bole beshak ham tumse bezaar hain
Aur un sab se jisko tum khuda ke siwa pujte ho  ham tumhare munkir huwe aur ham me aur me dushmani aur adawat hamesha ko zaahir hogai jabtak tum ek Allah par imaan na laao beshak zarur un me tumhare liye umda res thi us ke liye jo Allah aur qayamat ki ummid rakhta ho aur jo muh fere to beshak Allah hi be parwah saraha gaya hai
Yaani woh jo tumhe ye fsrmata hai ke jis tarah mere khalil